رد: انا صياد فاشل :(
غير كده ياحمادة الصيد فن وعلشان تبقي فنان لازم تحاول وتجرب والصيد مدارس الضريبة البعاد والضريبة القريبين والأتنين ممتازين بس مش اي حد يتعلم مدرسة الصيد عن قرب انت صغير وتعليمك اسرع الصيد البعيد ده للعاوجيز الي زيي
لازم متشورش علي الطير بالبندقية الا لحظة الضرب
احني ضهرك و اتسحب واستخبي ورا شجرة عربية لو الهدف ارضي (وخلي بالك من الناس) لأقرب حاجة تستخبي وراها تجاه الهدف
تجنب النظر المباشر بالعين للهدف دايما تبص له من تحت لتحت بلاش عينك تيجي فعين الهدف حيخاف ويكش ويطير
لو الهدف قلق وانت جاي ناحيته تعرف انه اخد باله منك ومتحاولش تتحرك ولا تنشن بسرعة حتخاف وتطير
اسكن فترة وأول لما تلاقية دور عنية ارفع البندقية بالراحة واضرب وانت واقف مرتاح
ونشن في اكتر مكان واضح بالنسبة ليك فالهدف لحد لما واحدة واحدة تتعود تنشن علي دماغة واماكن اخري
حاول دايما تضرب الهدف من ناحية صدره لو عالي و ظهره لو واطي او صدره لو هو في وشك بالضبط
اظن بعد كدة مفيش فاضل اني اجي مكانك وانشن بس ياتري حتعزمني عالغدا ولا تروحني جعان
|