رد: مسدسات الرش والصيد بها
الاخوة الافاضل وفقا لمعلوماتى المتواضعة فان: المتوفر فى مصر وفقا للقوة هو 1 - بنادق الرش ضغط الهواء ( يوجد بنادق رش ضغط غاز وهذا النوع غير متوفر فى مصر غالبا فمش هنتكلم عنة حاليا ) 2 - مسدسات الرش كسر ضغط هواء 3 - مسدسات الرش ضغط غاز . دة من حيث القوة لكن من حيث مقايس تانية ذى الحجم والمحاكاة للشكل الحقيقى والناحية الجمالية والوزن وسهولة الحمل وحاجات تانية كثير فالترتيبب هيتعكس ويصبح بالعكس عشان كدة المقارنة لازم تتم وفقا لاحتياجك ثم بصفة عامة مفيش حاجة اسمها كسر اقوى من غاز او العكس لان فى نوع اقوى من نوع حيث يوجد بعض انواع مسدسات الغاز اقوى من بعض انواع الكسر وفقا لجودة المصنع وبلد الانتاج وخلافة لكن الى نقدر نقولة فان غالبا المتوافر فى مصر من الكسر اقوى من المتوافر فى مصر من الغاز وبخصوص الصيد بمسدات الغاز طبعا ينفع بس لو اختارت نوعية كويسة ذى الوالتر مثلا ومن انتاج بلد كويس ذى المانيا مثلا وتكون قوية وتستعملها وفقا للتعليمات مع انبوبة غاز معتمدة ونوع رش نضيف ذى الجامو ماتش لكن لو اشتريت مسدس غاز ضعيف وانبوبة غاز مش معتمدة ورش ردىء متحكمش بقا وتقولى الغاز مبيصطادش انا شخصيا بصطاد بالغاز وبكفأة وبخصوص شكوى البعض من تسريب الغاز فبوضح للاخوة اننا منعملش ذى واحد بيروح للدكتور يقولة لما بغمض عينى مابشوفش لان دة طبعى وبردوا مسدسات الغاز المصنعين قالوا محدش يحتفظ باسطوانة الغاز بداخل المسدس لمدة طويلة يعنى نحطها ساعة الصيد ونشيلها فقط ونزيت البلف عند الاستخدام الناس مبتنفذسش دة وبتتجاهلة وترجع تقول المسدسات بتسرب غاز لو اتبعت التعليمات عمر المسدس ما هيسرب غاز يعنى العيب فى سؤ الاستخدام مش فى المسدس . وانا ارشح لحضرتك الوالتر الالمانى ال سى بى كومبسيشون ودة ثمنة ممكن يوصل ل 4000جم نظرا لظروف السوق الحالية دة لو حابب تجيب غاز وتصطاد بية .
|