رد: هوايتك إيه ... غير الصيد والرماية والأسلحة ؟
السلام عليكم ورحمة الله وبركاته
انا عن نفسى ليا هوايات كتير بس ما بقيتش امارس الا عدد بسيط جدا منها واهمها الصيد لان الصيد حاليا بقى من اهم هواياتى والهوايه الوحيده اللى اقدر اقول بمارسها كل اسبوع وده بحكم شغلى وارتباطاتى لانى لسه خاطب قريب عقبال عندكم جميعاوهواياتى هى
كره القدم ولعب الشطرنج وعلى فكره كنت محترف جدا فيه وتنس الطاوله الحمد لله ما زلت بطل عالم زى ما انا ههههههه والسباحة والبلياردو وفى هوايه برده لسه محافظ عليها ومحدش ذكرها وهى تربيه انواع مختلفة من الحمام وطيور الزينه كنت بربيها زمان وهوايتى ايضا اللى بحبها جدا هى ركوب الدراجات ولو فيه هوايه كمان ظهرت هبقى اقولكم عليها ؟؟؟ اه كنت هنسى على فكره انا الحمد لله صوتى حلو باعتراف الجميع وكنت المطرب بتاع الكتيبه فى الجيش بس دلوقتى بقيت احب الابتهالات الدينيه اكتر من الاغانى خاصة نصر الدين طوبار ومحمد عمران وهكذا
ارجوا انى اكون ما طولتش عليكوا .
والله ولى التوفيق ......................
__________________
علمت ان رزقى لن ياخذه غيرى فاطمان قلبى
|