رد: انا صياد فاشل :(
أكيد ممكن تغيره لوحده ولو حد كويس ممكن يشيلك التتك (الزناد) البلاستيك ويحطلك واحد معدن أحسن وحيستحمل
ثانيا أحد اسرار الصيادين (ضبط الرجلاش) وهو المسمار الي بيخلي الزناد خفيف أضبط الزناد علي الدرجة الي تريحك ومتخليهوش ناشف في وقت لما تيجي تضرب اليندقية تسحب لفوق مع ايدك الي علي الزناد وانت بتشده من غير ما تحس وخلي الطفشجي او الي حيعملك البندقية يشحمه ويزيت المجموعة
النصيحة الأخيرة الي نسيت اقولهالك وانت بتنشن الزناد مش بيتشد لما تيجي تضرب ولكنه بيتعصر يعني تعد تشد علي مراحل الا لو انت خليته حساس اوي عن طريق ضبط الرجلاش
بس خلي بالك دا زي ماله ميزة انه بيعفيك من رد الفعل له عيب انك لازم دايما تكون مأمن بندقيتك ومتفتحش الأمان الا لحظة الضرب فقط لأنك لو بس لمست الزناد سنة لورا او ريحت صبعك بس البندقية حتضرب وده فيه خطورة عليك وعلي الي حواليك أكتر منك
وفي الحالة دي كمان حتتبع مثال بندقيتك زي مراتك ينفع حد يستلف مراتك منك
|