اقتباس:
المشاركة الأصلية كتبت بواسطة amr aly
الحرب المفيده هي حرب تعمير سيناء و تدعيم السياده الامنيه فيها، و بعدين كلنا اتدربنا في الجيش و كنت مشاه صاعقه و جيشنا قوي و محترف و لو في حرب هتطوع من خلال الجيش و هيدونا سلاح، اما تكوين ما يشبه ميليشيات بدعوات مدنيه فارجو الرجوع للاعلان الدستوري الذي يمنع ذلك لخطورته، و بعدين ما ننساش ملف اسري 67 و نفكر بتروي في الازمه و عدم تكرارها ، مش قصدي احباط و لكن استقرار و تنميه، خلوها حمله تعمير سيناء بمشاركه اهلها و تبقي حرب للنماء
ا
|
هو لما يموت جنود بلدك وتيجي اسرائيل تقولك معليش مكنش قصدي, ودي تاني مره او تالت مره الي يحصل فيها كده يبقى نفكر في تعمير ولا في الاستعداد لشيء ممكن نواجهه؟
وهنا دعوتنا مش دعوة حرب, هنا دعوة استعداد للحرب, وكلنا عارفين انه مش وقت حرب,وعلشان كده بنتكلم في تدريب خاص. يوافق ظروف عملك وحياتك لان التعمير لازم يستمر حتى مع الاستعداد لحرب متوقعه
والسؤال هنا لو اتفرض علينا الحرب في الوقت دا مع اسرائيل , الناس الي مدخلتش الجيش ومخدتش تدريب عسكري هتعمل ايه؟؟ على الاقل التدريب الخاص ده هيساعدنا نكون جاهزين , للمشاركه في الدفاع عن بلدنا واهلنا, في ابسط الاحوال هيساعد المتدرب انه يتصدى للبلطجيه مثلا.., احنا ايام البلطجيه كان ما بين كل عشر شباب تلاقي واحد او اتنين جاهزين انهم يتصدى لبلطجي والباقيين مش عارفين يعملوا ايه وخايفين, يا راجل دا في ناس مكنتش حتى لاقيه عصايه في البيت تنزل بيها !! لقيت ناس نازله بادوات منزليه وياريته وقت الجد هيعرف يستخدمها
دا احنا خيبتنا سوده, مش كفايه ان الدوله معقده ترخيص الاسلحه وياريت بتديه لحد
فا بلاش احباط والتدريب دا بينفع في الحياة بشكل عام حتى لو مفيش حرب, والناس الي هتشارك من الاعضاء هنا كلهم ناس محترمه ومتعلمين وبعدين احنا هنتمرن على مسدسات غاز ايه دخل القانون في منع حاجه زي كده