السلام عليكم
انا جديد بالمنتدي و دي أول مشاركة ليا و ان شاء الله أستمر معاكم في المنتدي علي طول
انا اسمي مؤمن شهاوي, من القاهرة - المعادي
19 سنة, اتخرجت شهر 11 الي فات من كلية مصر للطيران
حابب الصيد جداً, عندي بندقية ضغط هوا صيني و ان شاء الله أغيرها و أجيب نوع أفضل في خلال اليومين الجايين.. و عندي مسدس ضغط غاز أسباني ماركة Gamo موديل PT-80
انا معرفش أي مكان للصيد في القاهرة
حالياً انا بصطاد علب بيبسي في البيت
و لكم ان تتخيلوا الحوائط
نفسي أطلع أصطاد بره لكن معرفش أي مكان, انا عضو في نادي المعادي و اليخت لكن طبعاً زي ما انتو عارفين, الصيد انتهي من زمان من نادي المعادي
أي أقتراحات عن فين ممكن ابدأ الصيد في الخارج داخل القاهرة ؟
انا عارف ان الصيد ممتاز في السواحل و المناطق دي, لكن فين في القاهرة ممكن الواحد يصطاد بما اني عايش في القاهرة ؟
شكراً جداً لمساعدتكم و ان شاء الله أقدر أفيد المنتدي بعد كده زي ما هو حيفدني
تحياتي لكم
--------------------
مؤمن