اخوانى و احبائى واقرب ناس لقلبى بارك الله بكم جميعا و اشكركم من صميم قلبى و ربنا يحفظكم جميعا
الموضوع اللى حصل معايا فى تبسيط كالاتى :
..اامبارح الساعه 3:30 العصر اتثبت ب 3 عربيات قفلوا على الطريق و نزل من العربيات دى حوالى عشره افراد و فى البدايه مكنتش مستوعب ايه اللى بيحصل و لا فاهم حاجه و بقول فيه ايه
لكن لما ظهر شخصين من ضمن اللى كانوا محاوطنى ابتديت افهم انه تصفيه حسابات وانتقام منى...
انا بحكم صفتى الوظيفيه مدير لاحدى شركات البترول و باتعامل مع شركات صيانه و توريد متعدده و من ضمن هذه الشركات.. شركه لصيانه التكيفات و بتقوم بعمل الصيانه الدوريه لاجهزه التكييف بمبنى شركتى..المهم ادائهم مكانش يتوافق مع متطلبات الشركه و مش شايفين شغلهم خالص..فتم انهاء التعاقد معهم و تعاقدت مع شركه كاريير علشان تعمل الصيانه و الكلام ده كان فى شهر يونيو الماضى
امبارح على الضهر جالى تليفون تهديد من صاحب شركه التكيفات المنهى عقدها و قعد يهدد و يتوعد و انا قولت ده بيهلفط و اللى بيعمل حاجه مبيقولش لكن الظاهر كنت غلطان. واضح جدا انه قطرنى من مكان شغلى لحد ماجينا فى شارع تقريبا خالى من الناس(امام مصنع لابوار للحلويات بالبساتين) وكنت لوحدى و مش مسلح باى شئ لاصاعق و لا حتى قصافه..المهم قفلوا على الطريق ونزلوا من العربيات بتاعتهم و قعدوا يخبطوا على قزاز عربيتى و يقولوا لى انزل مع شتيمه و سب كتير..نزلت من العربيه لقيت صاحب الشركه فى وشى و هنا ابتديت اجمع و افهم ايه اللى بيحصل..راح نازع نظارتى الشمس من على وجهى و القاها بالارض ..رحت ماسك ايده واشتبكت معاه طبعا فى ثانيه جم اتنين من ظهرى علشان يكتفونى و طبعا مسكونى و بقيت اهبش برجلى زى ماتيجى..المنظر ده لفت نظر اتنين فى عربيه دوجان ربنا يبارك لهم .نزلوا و هم بيقولوا بس بس فيه ايه. مالكوا و مال الراجل .. هوانتوا كلكوا عليه.. واحد من الناس اللى هاجمتنى قالهم خليكوا فى حالكوا و امشوا بس هما طلعوا رجاله و ممشويوش و فكونى من ايديهم ..على فكره كان فيه سيارات ماشيه اكتفى الناس اللى فيها بالمشاهده فقط...كل الموضوع ده اخذ 5 دقائق تقريبا..بس كانوا اطول 5 دقايق عدوا على و اول مره فى حياتى اتعرض للموقف ده..المهم انا بخير لكن المشكله فى محمد ابنى لان الست والدته قالت له على هذه الواقعه و لقيته قدامى النهارده نزل من سيدى برانى و مش عارف هو ناوى على ايه.لكن شكله ميدلش على الخير..والمشكله ان شركتى بصفتها شركه اسبانيه متحضره
بتقول لازم انى اسلك طريق القانون و لا اتعامل مع اللى حصلى بأسلوب مصرى!!
اشكركم جميعا.زالان ابنى محمد سيف هايتعامل مع الموقف عن طريق زمايله و دفعته و وصل الموضوع للشرطه العسكريه ..س 45 خاصه بسلاح الدفاع الجوى و ربنا يستر لان انا مش مهم و اتاخدت على خوانه بس ضافر اى واحد فيكم برقبه ام عيله اللى عمل معايا كده....هاسيبكم الان علشان اتوجه مع ابنى الى الشرطه العسكريه و بصراحه انا خايف منه و مش هاسيبه علشان هو شاب زيكم راجل و قالى ( ابقى مش ابنك و اتبرى منى لو مجبتش حقك
شكرا لكم جميعا و ربنا يخليكم و يحفظكم