[صياد قديـــــــــــم]

بص يا ابو سمرة
الجبل ده متحوط من ثلاث جهات جيش والجهة الرابعة هيا المساكن بتعاتنا هيا مش بتاعتنا يعنى ولا احنا اشتريناها بس يعنى انا بقول عليها كدا ...... المهم الجبل دا انا من صغرى بصطاد عليه يمام وحمام برى وكروان وكنت بصطاد دقانيش قبل ما اعرف ان الدقناش طلع هوا الصرد اللى حرمه رسولنا الكريم صلى الله عليه وسلم وغير كدا كمان الجبل ده زى محمية طبيعية بيحط عليها انواع كتير من الطيور وعايش فيه تعالب وذئاب بس قليل اوى لما يبقى عليه ديب وده طبعا بليل والطيور هناك بتتغذى على مخلفات الجيش واصلا الجبل دا من الجبال اللى شهدت حروب زى اكتوبر وكان الجبل ده ثكنة عسكرية وعليه دوشم كتير تحت الارض والدوشمة اللى هيا المكان اللى بيتعمل تحت الارض بيبقى جراج للدبابات ومبيت للعساكر دا غير انه عليه صاروخ والله اعلم انه اسرائيلى واقع على الجبل دا من زمان واكيد لسة زى ماهوا موجود ........... المهم عشان مطولش عليه الجبل دا بالنسبة ليا عشرة عمر وكفاية انك تحس انك طالع رحلة بجد وكانك فى صحرا ويكفى انك داخل اسكندرية
انا احتمال اروحه قريب ان شاء الله وليا عمر
اكتبلى رقمك وقبلها بيومين حبقى اكلمك باذن الله
اصل انا البدقية بتاعتى حاليا فى عمرة وانا اللى بعملها بنفسى لانى صايع قديم فى فكها.