السلام عليكم
عيد مبارك يا جماعة
اسمحولي بمداخلة.
كنت ناوي اجيب مسدس صوت وكان بلو سي واشيل الطبة لكن جه في بالي مقارنة بسيطة بينه وبين مسدسات الغاز
اولاً قانونية حمل المسدسين:
الصوت عليه شبهة ولو في الفترة الحالية استخدامه منحصر في ( افراح - دفاع عن النفس وده لغاية دلوقتي بصراحة ماشفتش تأكيد 100% على أداءه)
الغاز رش او بلي ماعلهوش اي شبهة جنائية استخداماته ( رماية - صيد من مسافات صغيرة - دفاع عن النفس) طبعا البلي تقريبا نفس الاستخدامات.
المدى والدقة:
الصوت اغلب اللي استخدموه قالوا مش بيتخطى 10 متر ولو اكتر فمش مؤثر لسبب بسيط انه بيفتقر الى الدقة من بعد 5 متر واقل .
الرش دقته بتوصل ل 15 متر وبالنسبة للقوة فمن تجاربي على اخشاب لقيته بيخرم الخشب لحوالي 2.5 مليميتر والرشاية بترد ل 5 او 7 متر بعد الاصطدام .
فبالعقل والمنطق البلي مهما كان مش هو اللي هيخرم ملابس تقيلة بالصورة اللي احنا متخيلينها لاننا ناسيين ان نوعية القماش ممكن تؤثر اصلا على قوة البلية بمعنى لو ضربنا مقذوف في جسم صلب التأثير عليه بيكون اقوى من جسم من مرن بالتالي الضرب على الجسم والملابس امر احتمالية انه يتخطاه لا تتعدى 70% في وقت ماينفعش الاحتمال فيه.
الطبيعي ان اللي شايل مسدس وداخل على بلطجي ماينفعش يبقى فيه احتمال يصيب البلطجي واحتمال لا لازم يصيبه ويأثر عليه هو هيتروق .
فانا كشخص اتخيرت بين الصوت اللي بيضرب بلي والغاز بالتحديد رش فضلت الرش لان الرش ايوة تاثيره اضعف بس فيه دقة اعلى بكثير من الصوت, بالاضافة الى ان تأثيره مش زي ما الاخوة متخيلين لان اللي خلى رشاية تخرم لوح خشب 2.5 مم وترد 5 متر للخلف من مسافة 10 متر ده لو جه في الوش او الجلد عامة مش هيخرمه؟؟؟؟؟
نيجي للتكلفة
التكلفة واللي هرد عليها وبالتحديد على كلام الاستاذ طارق:
اقتباس:
|
ارتفاع تكلفة انابيب الغاز فى مسدسات البلى يجعله غير عملى فمن غير المنطق ان كل ثلاثة اربع ايام يتم دفع مايقرب من 6 او 7 جنيه نظير انبوبة الغاز لانها بالطبع بتخلص مع الوقت بمجرد تركيبها
|
مع احترامي ليك ياباشا كلامك ناقص نقطة مهمة وهتبان في الحسبة دي:
مسدس الرش الانبوبة ب 7 جنيه بتضرب من 40 الى 60 رشاية او بلية.
مسدس البلي الطلقة الواحدة من 4 الى 7 جنيه.
فياراجل مين فيهم اعلى تكلفة؟
نقطة وملحوظة: مش لازم الانبوبة تتساب في المسدس اصلا لان الانبوبة تركيبها مش بياخد نص دقيقة
وارجع واقول كخلاصة قول ان مسدس الرش زي اللي بينطبق عليه المثل الخسارة القريبة ولا المكسب البعيد يعني لما اضرب 7 رشايات وجم في وش ولا جلد واحد ومن مسافة 10 الى 15 متر وعلى الاقل هيخرموا الجلد مسافة كويسة في خدوا ولا جلده احسن ما اضرب 8 طلقات صوت وممكن البلية تروح مظبوطة وممكن لا في وقت وموقف لا يحتمل ممكن..
وطبعا اختلاف الرأي لا يفسد للود قضية بس حبيت اوضح .
وعيد مبارك