اقتباس:
المشاركة الأصلية كتبت بواسطة osha966
- أخى الفاضل الجيش مشكورا قام بتسليح جميع الضباط من رتبة نقيب بطبنجات 9 مم وخرطوش ايضا وكثير منهم استلم توكاريف صينى الصنع عيار 25x7.62 وهذا هو سبب نقص المعروض من هذا العيار ... ,تحياتى
|
حضرتك جبت من اخر الاخر , لان الطبنجة اللى معايا دى فعلا طبنجة لواء جيش الشخصية وانا واخدها منه اجربها و استلم معاها 100 طلقة بس و خزنتين واخدت منه 20 طلقة وحسيت انه كان حياكلنى وانا باخدهم منه , هو فعلا كان متضايق على الطلقات اللى اخدتها .
و اليك المفاجأة اللى انت اكيد عارفها انهم دافعين فيها 300 جنيه مصرى (فقط و قدره ثلاثمائة جنيه مصرى لاغير) , السعر طبعا شامل ال 100 طلقة
انا النهاردة العصر روحت محل الفراعنة و لاقيتوا فاتح بس لاقيت الناس اللى فيه ميعرفوش ان اصلا فى طلق 7.62 للطبنجات!!!
مع ان كان فى اتنين منهم يعدوا ال 60 سنة مرتاح وهما اللى ردوا عليه فى الاول بمنتهى الثقة ال 7.62 كله بتاع البنادق الالى, وبعد ما سيبتهم يحلفوا شوية ان مفيش توكاريف غير للالى و غيروا الموضوع بانهم يشتروا الطبنجة الجلوك19 بتاعتى ولما طلعتلهم المسدس الصينى وطلعتلهم الطلق حسسونى انى جاى من الفضاء و مبقوش عارفين يقولوا ايه.
وسألت على مسدس زيج زاور كان فى الفترينة المضلمة و المحل كله كان مضلم من جوه , لقيتو طلعه و بقوللى 1900 جنيه , استغربت طبعا و قلتله هاته اشوفه فى النور بره المحل قام فاتح النور جوه و طلعه من الفترينة ... لقيته ريتاى بارون صوت و ب 1900 جنيه !!
قولتله ده صوت و نوعه اسمه ريتاى , قاللى لا ده زيج زاور بس متصنع باسم تانى عشان صوت مش حى ..... طبعا كنت عايز اخد الراجل لفه بالفيل بتاعى اللى لونه برتقانى و كنت راكنه بره المحل ,بس الجو كان حر و الفيل مفهوش تكييف .
استحرمت المشوار على الفاضى ... قلتله هات 10 طلقات صوت عشان العب بيهم مع الفيل بتاعى , وقاللى مفيش غير تركى ب 5 جنيه , قلتله هات ,و مشيت و انا قرفان من المكان جدا مع ان شكله و ديكوراته بتقول انه مميز جدا و طلع فعلا مميز بالنسبالى جدا جدا