[معاذ محمد]

السلام عليكم ورحمة الله
كنت عارض هنا فى المنتدى بندقية رمسيس للتقييم والبيع .. أظن فاكرين
المهم طلعت فى راسى كالعادة انى اعملها صيانة خارجية وداخلية .. ولما وصلت عند الدبشك عملته إحلال بالكامل (مع انه مش محتاج) المهم صنفرته صنفرة تمام ولونته (أستر) بنى محروق مع التجزيعة وكله تمام التمام .. وشكله روعة .. ولما وصلت عند الورنيش قابلتنى المشكلة .. وهى ان كلما دهنت الورنيش ظهر على السطح أثار فقاقيع صغيرة زى التراب مع انى نظفتها كويس جدا .. وكل مرة اصنفر وابدأ تانى ونفس المشكلة.
فياريت اللى عنده خبرة فى الموضوع ده ينصحنى مع العلم انى جربت فرشاه نظيفة وجربت قطنة

الحاجة التانية انى اشتريت النيشان ولكن مش أصلى للاسف ومضايقنى جدا لدرجة انى زهقت من الصيد بيها .. يمكن انا مش عارف اظبطه لكن بفضل الله من غير النيشان شغالة تمام جدا وكل يوم بتتظفر
المهم اللى عنده نيشان اصلى حتى لو مستعمل ياريت يساعدنى