[H_SRM]

هجيبلك من الاخر استاذي الفاضل ده رد ليا:

السلام عليكم

لكل شيء سلبيات وايجابيات, لكن خلينا متفقين إن البلي أقوى بس في حالة واحدة, وهي ان البلية اصلاً انت هتخليها تروح في المكان اللي موجهه ليها وده مستحيل لأن مافيش في الماسورة خشخنات ولو حد حاول يغير الماسورة بتانية يبقى كدة بيودي نفسه في شبه داهية وربنا يستر.


مسدسات الصوت بتشيل الطبة ووارد تخرط الماسورة, بتحشر بلية في الطلقة, تضرب الفارغ يخرج والبلية هي اللي تمشي وبتمشي زي ما ماشية وبنتحرف كذا سنتميتر .

مسدسات الغاز تأثير على حد قول البعض انها ضعيفة لكن اللي جرب مسدس وطلع ضعيف لأي سبب المفروض ما يعممش فكرة لانه ماجربش مثلا الا مسدس او اتنين او يمكن ما جربش, مسدس الغاز معايا جربت بيه اكتر من تجربة بشوف قوة الاختراق.

ضربت خشبة قوية سمكها 3 سنتميتر من مسافة 6 او 7 متر خرمت فيها خرم سمكه 3 مم وردت فيا بس بفضل الله ما جيتش في وشي.

جربت الضرب على شجرة قطرها لا يقل عن متر او متر وربع صلبة جداً من مسافة 9 متر كاقل تقدير الرشاية دخلت كلها في الشجرة.

وجربنا ضربنا رشاية في سور مبنى من مسافة 20 متر علم في الحيط وعمل ثقب صغير.

وأرجع وأقولك ياباشا اللي مستضعف المسدسات الغاز وارد يكون جرب حاجة ضعيفة او انبوبة قربت تفضى لكن لو جالي وقالي اجرب مش هقوله لا ولو عايز على نفسه علشان يشوف هو ضعيف اد ايه برضوا مش هقوله لا ههههه

نيجي للتكلفة



المسدسات الغاز الرش من وجهة نظري عملية اكتر من البلي والصوت بكتير, الصوت فايدته ايه معاك؟

أفراح + ضرب بلي تمام, لو ظابط مسكك بيه؟ هتروح سكة السلامة :d وربنا يكفينا كلنا الشر ده.

الغاز الرش, الرماية + الدفاع عن النفس + الصيد في نطاق من 10 الى 15 متر, لو ظابط مسكك بيه؟ ولا حاجة لانه مسدس رش وده من كلام عقيد شرطة.



التكلفة الطلقة في مسدس الصوت ب 4 الى 7 جنيه

الغاز الانبوبة من 5 الى 7 جنيه

الطلقة بتستخدم مرة واحدة فقط في مسدسات الصوت.

انبوبة الغاز بتستخدمها وتضرب بيها من 40 الى 50 ضربة.

المسدسات الغاز تقدر تستعملها في بيتكم او في اي مكان, الصوت تقدر تضرب بيه ضربة في بيتكم او في مكان فيه ناس حواليك؟


علشان تضرب 15 طلقة هيخشولهم في كام؟

4x15 = ؟ كام
لو هتضرب 15 ضربة بالغاز وبلاش 15 قول 40 هتحتاج 5 جنيه انبوبة 15 رشاية العلبة فيها 500 ب 40 جنيه يعني الرشاية بتقف 12.5 قرش يعني 1.87 جنيه تكلفة اجمالية 6.87 جنيه!!!



آخر نقطة, فرق كبير ان مسدس يكون جاي لحاجة واحنا نخليه لحاجة تانية, الله اعلم ايه ممكن يحصل, وفيه موضوع لفت نظري هنا لشخص اخ ربنا يوفقه ضرب بمسدس صوت الجسم اتكسر, ففرق كبير بين حاجة مش هيتلعب فيها وحاجة هيتم التعديل عليها.

خلاصة القول ان الصوت ايوة اقوى في حالة واكرر في حالة ان البلية راحت صح لان اي مسدس بلي اسأل صاحبه البلية بتروح صح ولا بتنحرف كام سنتميتر؟ وطبيعي تنحرف لان الماسورة إنسيابية مافيهاش خشخنات عكس الرش, غير إن استخداماته شبه منعدمة مقارنة بالغاز, غير كدة تكلفته اعلى من الغاز بكثير وده وضحتهولك, وعلاوة على ذلك وهو الاهم لاني كنت اقدر اجيب وكنت فعلاً خلااااااص هجيب بلي بس قلقت من موضوع الأمن واللي بيتمسك ببلي بيتظبط, لكن لو رش الفرق كبير جداً جداً؟