اقتباس:
المشاركة الأصلية كتبت بواسطة sayed allaa
بص انت الاول اهم حاجة تكون مقتنع بالبندقية اللي انت هتجيبها مش تجيب الكرال عشان مضطر و خلاص عشان عامل حسابك على رينج معين
طالما مقتنع بالبندقية يبقى هاتها و توكل على الله و هية شغالة و زي الفل الكرال و مش بتقول لا و اول لما تتكسر السوستة ركب واحدة جامو و هتبقى معاك 100 100
انت بتشوف الناس اللي جابت الكرال او النوريكا سبورت اللي هما ارخص بندقيتين من البنادق المحترمة طبعا و النضيفة باعوها عشان جابوها و هما مش مقتنعين بيها جابوها عشان السعر و بس و على اساس يعني انهم يعتبرو ممتازين بالنسبة للسعر و الخامات و من البنادق النضيفة بردو
انت ممكن تجيب مثلا الكرال بس انت مقتنع بالرمسيس اكتر مع ان الكرال اغلى و تقدر تجيبها بس اهم حاجة تكون مقتنع بيها عشان مش تقعد معاك شهرين و تروح تبيعها و تخسر فيها و في الاخر هتكمل على فلوسك و هتجيب حاجة اغلى
فلو انت مقتنع بالكرال خلاص يبقى هاتها لو لسة شاكك اصبر شوية و زود المبلغ شوية و فكر برده
انت عندك في الموضوع الشامل للمبتدئين بنادق كتير انا حاططهالك تقدر تختار منهم اي واحدة تعجبك و متعتمدش على الصور بس انت تروح تشوفهم في المحل و تشوف انهو واحدة انت مقتنع بيها و مناسبة ليك
و في الاخر كل البنادق بتصطاد
و خليك فاكر ان البندقية مش ممكن تعمل صياد
الصياد هوة اللي ممكن يعمل بندقية
|
اة الواحد يستنة شهرين تلاتة عشان يجمع مبلغ اكبر ويجيب البندقية الى هو عايزها ومقتنع بيها تقوم الاسعار تغلى فى الشهرين دول