[koko22m]

على فكرة يا جماعة انا كنت داخل اكتب الموضوع دا لانه حصلى النهارده فى فرع شبرا و الغريبة انى اتصلت بأستاذ شريف و قلتلة انى من اعضاء المنتدى و محتاج اخد رأيه فى شوية حاجات فى المسدس بتاعى و كانوا لسة مفتحوش فا روحت شوية مشاوير و رجعت و كنت فاكر انى هقابل حد معرفة بقى و بأبتسامة تعارف بصديق جديد و كلام و تعارف و مشورة صديق ( يعنى اقصد انى كنت فاكر انى هتقابل مقابلة كويسة او بترحيب مخصوص ) و رجعت و كانت الصدمة انى لاقيت وشوش سورى فى الكلمة خشب انا مقدرش اقول ان المعاملة وحشة او حلوة بس معاملة جافة جدا جدا و الاسعار على فكرة فى كل محلات وسط البلد زى بعضها اكنهم متفقين عليها بالمليم - بس طبعا سكت خالص و خدت بعضى و دفعت الفلوس و مشيت و انا نادم على الصداقة الوهمية اللى كنت فاكر انها هتكون بس طبعا خرجت و انا مش عارف اقول لنفسى مجيش المحل دا تانى ولا هما مغلطوش لانهم بيشوفوا شغلهم او جايز قلقانين من اللى بيحصل فى البلد او ايه بظبط و فى الاخر خدت قرار محايد جدا و هو انى مش هتعامل مع اى حد من المنتدى هنا كصديق الا عندما ارى فيه هذه الصفات