[محمد الشامي]

يا باشا انا دخلت المحل ده مرتين بالظبط وحلفت اني مش داخله تاني !!!!!

اول مره كنت رايح بسأل على اسعار كذا مسدس صوت , وقتها مكنتش اعرف اي حاجه عن الاسعار

واعتقد اللي كان هناك وقتها هو الاستاذ معتز , طبعا المعامله مفيش تعليق عليها احسن من تعليق حضرتك لان المعامله فعلا ولا كأن الزبون ده شحات ,, مع ان نفس الزبون ده اللي بيأكلهم عيش والله

المهم سألت على الوالتر 9 ملم وقالى موجود وبـ 1400 جنيه , فقولتله طيب شكرا وعندي استفسار بخصوص اجراءات استخراج رخصه السلاح الحي ؟؟ فرد عليا بمنتهى التناكه بصراحه وقالى وانت عايز تطلعها ليه ؟ انت عندك نشاط تجاري كبير او عندك حاجه تستدعي انك تشيل سلاح ؟؟؟ فقولتله اولا انا بسأل لمجرد المعرفه وثانيا لو هشيل سلاح فهيكون عشان الدفاع عن النفس !! فقالى خلاص تبقا تروح القسم اللي انت تابع ليه وتسأل وتبقا تاخد معاك السجل التجاري بتاعك (ده بالرغم من اني قولتله معنديش لا نشاط تجاري ولا معايا سجل تجاري اصلا) , فسبته ومشيت وانا قرفان بصراحه

وتاني مره كانت بعدها بشهرين تقريبا كنت موجود عند الابراج نفسها وقولت اعدي اشوف الاخبار ايه , خاصه وان اللي واقف كان شاب صغير وقولت شكله كويس عن الباشا الاولاني

دخلت وسالته سؤال محدد عن الوالتر , فاتردد ثواني كده وقالى 1550 جنيه ,, فقولتله شكرااااااااااااا

يعني واضح ان سياسه التسعير عندهم مش مفهومه !!!!!

وعلى فكره يا جماعه , سلسله المحلات بتاعت بوندي دي ملهاش اي علاقه بأبو ضيف الاصلي اللي ف باب اللوق
انا اتعاملت معاهم من شهر تقريبا وبجد هناك المعامله احسن وحتى اللي بتدير المكان تقريبا واحده ست كبيره في السن بس بأمانه فاهمه اوي ومهذبه واسلوبها اسلوب راجل جدع مش واحده ست وخلاص , ولكن طبعا اسعار زيها زي باقى الناس بحكم تطورات اسعار السلاح , ولما سألتها عن ابو ضيف 6 اكتوبر وشبرا فردت عليا رد مؤثر بصراحه , قالت : حسبي الله ونعم الوكيل في اللي بياكل عيش على قفانا واللي سرق الاسم اللي احنا تعبنا عقبال ما عملناه , فطبعا كان لازم الواحد يهديها بكلمتين وقولتلها ازاي بس يا حاجه ده انتو الاصل و و و و و

انا بس حببت احكي قصتى مع اابو ضيف احقاقا للحق

وعلى فكره
احنا لازم نعمل وقفه مع محلات تجاره السلاح على مستوى الجمهوريه لان بجد الطمع عمى عيونهم وقتل الاخلاق فيهم , انشالله نعمل رابطه من اعضاء المنتدى اللي ليهم معارف وعلاقات في مجال الاسلاحه ونعمل فتره معين من كل شهر يتجمع فيها طلبات الاسلحه بمختلف اشكالها وانواعها ويتعمل بيها طلبيه واحده بسعر اقل يمكن يوصل للنص

يعني مثلا نعمل قسم جديد على المنتدى ويكون متاح لجميع الاعضاء خلال الفتره من يوم 1 في الشهر لغايه يوم 20 (مثلا) وبعد انتهاء المده دي يتم تنفيذ الطلبيه خلال الـ 10 ايام الاخيره من الشهر ويتم تسليم كل قطعه سلاح لطالبها ,,,,,,,,,,,,,,, وهكذا , وطبعا هيكون في دفع عربون ولو 100 جنيه من قيمه كل سلاح لضمان الجديه , وبكده يبقا احنا عملنا وقفه صح مع جشع التجار وفي نفس الوقت استفادنا بالاسعار الاقل اللي هنجيبها وكمان هنفيد نفسنا ونفيد غيرنا من الاعضاء وغير الاعضاء

ياريت الاقتراح ده ينظر من قبل ادارة المنتدى المحترم