[mman2005]

يا جماعة فتنة الفلوس، للأسف محل زى فتح الله لما يكسب 100 مليون جنيه بعد الثورة، عايزه يبص للناس أزاى، أكيد طبعاً نظرة دونية، وبرده أبو ضيف، لما يلاقى المبيعات اليومية زى الفل وداخله يومى عشرات الألوف خلاص هو محتاج المنتدى فى إيه، ولا محتاج يتعامل كويس ليه، ما الناس كده كده بتشترى وبالسعر الغالى، وده بيفكرنى بحاجة، عندنا فرنه عيش بتبيع الرغيف بريال محدش بيشترى منها إلا قليل، لما الواحد يفوت يشترى بخمسة جنيه تلاقى صاحب الفرنة يقولك يا بيه ويا حضرة، لكن قبل العيد بيوم والأفران أغلبها قفلت والناس زحمة عليه عايزة تشترى قبل أجازة العيد كان ناقص يدى الناس بالجذمة، وبرده زى سواقين الميكروباص، وهو فى الموقف مش لاقى زباين تلاقيه بيستحايل عليك ويقولك يا بيه، ووقت الذرة لما يلاقى أعداد كبيرة يقعد يتحكم فى الركاب ده يقعد هنا وأنت لا شكلك مش عاجبنى، وانتى لا تخينة، يظهر دى عادة فى الشعب المصرى، ربنا يجعلنا ثابتين على مبدأ واحد ومش يغير نفوسنا إلى الأسوأ.