رد: التجارة اسلوب ومعاملة ... أبو ضيف 6 أكتوبر
أولا أنا في غاية السعادة إن الموضوع اللي طرحته وصل للسيد المحترم الفاضل/شريف ابو ضيف .وزادت سعادتي بأن حضرتك تفاعلت مع الشكوي بشكل إيجابي بطرح رقم تليفونك لتلقي الشكوي وبذلك حضرتك قصرت المسافة جدا.وأرجو ان حضرتك تتفهم واكيد حضرتك سيد العارفين ان ممكن بأسلوب البائع ومعاملته تخلي المشتري يدفع ضعف اللي كان ناوي يدفعه بل كمان ممكن يفضل محلك علي غيره ولو كان أقل في السعر وبمعني أوضح مجرد ماالبائع يربي زبون الزبون ده مش هايبص لغيره .لكن للأسف بيحصل معايا عكس كده تماما في فرع أكتوبر الناس هناك مش بتخرج من اطار الأحترام لاقدرالله ولكن المعاملة بتكون بأقصي درجات الجفاف اللي شوفتها في بائع (والله علي ماأقول شهيد) ونتيجة كده أنا أوتوماتيك هاتعامل مع حد تاني مع العلم اني مش باهتم بموضوع السعر -ممكن اكون مغفل- فأتمني من حضرتك تنظر للموضوع بعين الأهتمام وان مش شرط يحصل مشكلة معايا منهم وكمان مش مطالبين انهم يقابلو الزباين بالأحضان بس المهم انهم يربو زبون وطبعا حضرتك أكيد أعلمنا بكيفية ذلك...وشكرا جزيلا لتفاعل حضرتك...........ثانيا أحب أوضح لأعزائي الأعضاء ان غرضي من الموضوع النقض البناء كما ذكرت واعتقد ان المفروووض ان الغرض تحقق بأن الرسالة وصلت للسيد المحترم شريف أبوضيف واظن انه تفهم وجهات النظر و المفروووض ايضا انه تعهد بتلقي الشكاوي...ولم يكن غرضي افتعال مشاكل و الاساءة لاسم أحد كما يفعل ولاد الكار المنافسين..فأرجو من الجميع عدم الخروج عن الاطار المفروض للموضوع بطريقة أو بأخري .........في النهاية انا مش باطالب حضرتك يا استاذ شريف بالرد علي كل مشاركة والموضوع يتحول لنزاع ....الأهم الافعال و لو فعلا لمسنا تحسن الأسلوب و المعاملة خاصا في أكتوبر هاكون اول الشاكرين والمادحين لذلك مع العلم اني مش ببالغ أو باتصيد المشاكل .........تحياتي واحترامي للجميع
|