تدريب على مسكة البندقيه
السلام عليكم ..
انا امبارح اتعلمت حاجه من اخي و حبيبي و صديقي الاستاذ اشرف باهي كيفية المسك .. بمعنى اصح تدريب على مسك البندقيه عشان ايدك متتهزش وكمان منها تتعود على البندقيه في حالة انها تقيله ...
هناك طريقتين في البيت ممكن اي حد يجربهم
الطريقه الاولي .. الوضع الثابت
بمعني تحدد نقطه في الحيطه بقطر 3 سنتي و تمسك البندقيه و تبقى في وضع التنشين و بتنشن على النقطه دي و تكون ماسك البندقيه من غير ما تهز ايديك حالي 5 ثواني و بعدين تنزل ايدك و بعدين ترجع تاني 10 ثواني ثم 15 و 20 و هكذا
وبعدبن المره التانيه نقطه بقطر 1.5 سنتي و تعيد التدريب و كل مره تقلل طول القطر وهكذا
مع مراعات اخذ نفس عميق شهيق ثم زفير بسيط
الطريقه الثانيه .. الوضع المتحرك
بعد التدريب الجيد بالخطوه الاولي نيجي للخطوه التانيه
بتحدد كذا هدف في الحطيه و تمسك البندقيه تنشن النقطه الاولي ثم التانيه و ثم و التالته و بعدين تصغر القطر و هكذا ( اكيد البندقيه مش متعمره عشان ده تدريب في البيت يعني ضرب وهمي )
نيجي بقى للزناد ..
طب يا حلو هتضرب ازاي ؟؟
حد يقولي كده ؟؟؟
هااااااااااا
طب اسهلها اختار اجابه واحده ( هتعصر الزناد ولا هتنتش الزناد )
فكروا فكروا
الاجابه هيه عصر الزناد عشان البندقيه متنتش منك
طب حد هيقولي ليه بقى عصر الزناد يا محمد
اقوله عشان انته بتنش على هدف ثابت و لو نتشت الزناد البندقيه هتتحرك في ايدك مش محتاجه فهلوه يعني يا خويا ....
اي كلمة شكر اكيد للأستاذ اشرف باهي مش انا عشان انا اكتسبت منه المعلومات دي ..
وتقبلوا تحياتي
__________________
محاسب قانوني و خبير ضرائب
"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ "
اشهد ان لا إله إلا الله و ان محمد رسول الله
|