رد: حل مشكلة الاسعار – من وجهه نظري
يا باشا انا مش بقول أن كل الناس تشترى غالى، أنا بقول كل واحد وظروفه، يعنى أنت حضرتك لما تقاطع 6 شهور مش حليت المشكلة ببساطة ليه لأنك راكمت الطلب 6 شهور كاملة، حتى لو السعر أنخفض جامد نتيجة لعدم الشراء الفترة دى، نتيجة لتراكم الطلب والحرمان 6 شهور الطلب هيرتفع بشكل جنونى فالأسعار هترتفع بشكل أعلى من الأول.
لأن السوق متعطش بقاله 6 شهور وفى الفترة دى البنادق القديمة أستهلكت وفيه نسبة منها اصبحت متعطلة كلياً، هتلاقى الكرال فى الأول ب 800 جنيه بعديها بأسبوع 1000 بعديها بأسبوع ب 1500 بعديها بأسبوع 2500 جنيه بعديها ب 3500، يبقى مش هيستفاد برخص السعر إلا الناس الى هتشترى فى الأول.
يعنى المقاطعة معناها تراكم الطلب، وإنخفاض المعروض من الجديد لأنى تاجر بستورد على قد طلب السوق، ولما ألاقى الناس ابتدت تقاطع هشترى كميات تتناسب مع أنخفاض الطلب، لما تيجى تنتهى المقاطعة هيبقى فيه تراكم طلب طول 6 شهور وكمية قليلة من الجديد فى السوق فبالتالى أنت عملت حرمان 6 شهور وبعد الحرمان ولعت الأسعار بشكل مبالغ فيه.
على فكرة أنا مش تاجر بس بحط نفسى مكان التاجر.
__________________
قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )
|