[mman2005]

المشاركة الأصلية كتبت بواسطة amiroz

واية اللي يخلي الكرال من 900 قبل الثورة
بعد الثورة 1500 مش زيادة الطلب عليها
يعني لو قل الطلب اكيد الاسعار هتريح

كلامك صح، ولكن أنت كده مش بتقلل الطلب، أنت بتراكم الطلب، وأتكلمت فى الجزئية دى قبل كده، ممكن أبقى معاك أننا نقاطع اللحمة وتجيب فايدة وفعلاً جابت فايدة فى وقت وجيز لما الناس قاطعت اللحمة لأن أولاً لها بدائل ثانى حاجة مفيش جزار هيستحمل يقعد شهر مفيش شغل، لكن البنادق ملهاش بديل خصوصاً للى غاويين، والبنادق سلعة ممكن تعيش 20 سنة، بعكس اللحمة هتشتريها وبعد شوية هتبقى فى المجارى.. أسف على التعبير.

يعنى أنا لما اشترى بندقية جديدة بشترى سلعة عمرها الافتراضى 20 سنة، الأول قبل ما تطالب بالمقاطعة طالب يحقك أنك تشترى بندقية مثلاً من السعودية وتقدر تنزل بيها مصر، ولو ده متاح كل واحد فينا ليه قرايب فى السعودية والخليج، ومن بكره الصبح هشترى بندقية من السعودية بنصف تمنها فى مصر، لكن أنت بتطالب بمقاطعة سلعة عليها طلب وفيه قيود على دخولها، لما تقاطع المشكلة مش هتتحل، المشكلة هتزيد، لأن التاجر الى بيخاطر ويدخل بنادق بشكل غير رسمى علشان يكسب مكاسب خيالية مش هيعمل كده، بالإضافة إلى أن التاجر ده أساساً معرض أنه يخسر كل تجارته لو البضاعة المهربة أكتشفت.

فأنت بالمقاطعة هتخلى التجار يحجموا عن المخاطرة، وبالتالى سعر القديم هيولع، ولما يولع سعر القديم هتلاقى الناس بتبوس أيد التاجر أنه يجيب حاجة جديدة.

الحل مش مقاطعة، الحل هو المطالبة بفتح الاستيراد والشراء من الخارج، ويبقى من حق كل فرد الدخول ببندقية واحدة من الخارج.

وبالطريقة دى أى حد قريبك نازل من برة يجبلك البندقية إلى أنت عايزها، والتجار لما يلاقوا كده غصب عنهم هينزلوا السعر إلى أقل قدر ممكن.