اقتباس:
المشاركة الأصلية كتبت بواسطة adel152
استاذ محمد بعد التحية
كلامك اجمل ولكنه ليس فى صلب الموضوع
لو حضرتك راجعت ال930 مشاركة بتوعى لايوجد كلمة واحدة بقول انى خبير واكيد ينقصنى الكثير من الخبرة فى هذه الهواية الجميلة.
انا لم اذكر اى شئ عن السلاح الالى او الخرطوش فى موضوعى ولكنى ذكرت السلاح الحى وده عصب الموضوع للتوضيح انه يمكن استخدام نفس التليسكوب للبنادق الهوائية والحى.
مشاركة حضرتك ال22 و23 فى هذا الموضوع حضرتك برده ذكرت البنادق الحية وليست الالية او الخرطوش بالتحديد. وبما اننا هنا نتكلم فى نطاق الصيد فاغلب البنادق الحية التى تستعمل فى الصيد هى من عيار 22. لونج رايفل النارى.
طبعا لن اجادل مع حضرتك بالنسبة لرد فعل الالى (وهذه الانواع لاتستعمل فى الصيد على حد علمى ولكنها اسلحة قتالية) لكن لو استعملت للقنص (وده 99.9% لقتل شخص وليس الصيد) فالمطلوب من القناص اصابة الهدف بطلقة واحدة فقط.
طبعا لو اى شخص فى العالم ممكن يقنع حكومته انه يمتلك رشاش ألى لاستعماله فى هواية الصيد اكيد حيبقى من السهل ان احنا نقنع المسؤلين عندنا ان التليسكوب لا يستعمل الا لهواية صيد اليمام والحمام والعصافير.
صلب الموضوع سيدى الفاضل انه يمكن استعمال نفس التليسكوبات التى تباع فى مصر خاصة التى قطرها واحد بوصة على اسلحة حية ولو لطلقة واحدة على الاسلحة شديدة رد الفعل مثل الالى والخرطوش.
وفى النهاية شكرا لمعلومات حضرتك القيمة التى افادتنى كثيرا وفى انتظار المزيد لتنمية خبرتى فى هذا المجال.
خالص تحياتى.
|
والله ما قصدت كدة أنت علي عيني وراسي من فوق رغم أنه عيب علينا أن أحنا ماتقبلناش لحد دلوقت وأحنا اسكندرانية ولا حتي طلعة صيد سوا ... انا قصدت التجربة الفعلية لأني جربت بنادق من الذخائر الحية لدي أحدي العائلات بالصعيد دول ناس بتحب السلاح اكتر مننا بكتير لدرجة الجنون والمخاطرة بالإقتناء والتهريب بطرق خطرة جدا
المهم ... اولا لا يوجد قناص بمعني قناص يستخدم السلاح الآلي في عملية قنص بل فعلا يستخدم بندقية رماية تكتيكية ذات ميكانيكة قذف فارغ يدوي ... ودي ممكن يركب عليها التليسكوبات دي بشكل محدود برضه لأن لها ماونت مختلف ولها رد فعل وذلك بسبب ثقل العيار المستخدم والنظارات دي بتنتجها شركة كبيرة مش صغيرة زي تاسكو لأ شركات لها ثقلها لأن المنظار ده لا يعمل بطريقة دخول الضوء للعدسات يعتمد علي تقنيات أخري والعدسة الأمامية ذات زجاج غير عاكس للضوء - القدرة علي تركيب امتداد وفوكس للنظارة ومضاد للصدمات وله القدرة علي تحمل الحرارة العالية ومقاومة الأتربة و الندي والرطوبة و حاجات كتير مش موجودة فالمنظار البطيخة الي الداخلية بتجري وراه ومنها يمكن تركيب نظام رؤية ليلة وأو يعمل بالإشعة تحت الحمراء والحرارية وغيرها ومنها ما فيه من التكنولوجيا لقياس المسافة وسرعة الرياح ومستوي الجاذبية فالمكان ومنها الي ممكن يقولك قوم وانا أضرب مكانك أحسن
الداخلية بتخاف من مقاومتها بالسلاح مش لأجل الأمن ولا غيره
عندما نوقش قانون منع حرية امتلاك الأسلحة بالكونجرس الأمريكي وكان مرفوض بشدة ... رد أحد أعضاء الكونجرس :
إن امتلاك السلاح ضرورة للمواطن وأفراد الشعب الأمريكي لعمل توازن استراتيجي بينه وبين القوة الشرطية المسلحة وفوق اي اعتبار قدرة الشعب علي مقاومة أي خطر داخلي