معاملة التجار عن تجربة واخر الاسعار
السلام عليكم اخوانى الاعزاء
حاحكيلكم على لفة سريعة عملتها فى الاسكندرية واعلم ان بعض الزملاء عملوا حملات مقاطعة لبعض التجار بس انا حاحكى اللى حصل معايا امبارح
تبدأ الرحلة بالحاج محمد فتح الله فى سعد زغلول السلام عليكم وعليكم السلام من الانسة الموجودة واموظف المسؤول عن اسلحة الصوت
ياترى فيه هكلر 9مم ؟لاوالله حضرتك هو بطل ينزل موجود 8مم فقط ب2000 جنية
طيب اللوجر موجود ؟لا بس فيه الارما وركى 8مم يعمل 1100 وهو مسدس ممتاز جدا
طيب الريتاى ده ايه ظروفه؟ده يعمل 800 جنيه
اشمعنى؟والله هو سعره كده
مش ده نديم السجلابى اللى مدخله؟(معلومة صحيحة وهو داخل رسمة وعشان كده سعره قليل)
لا حضرتك نديم مدخل جزء واحنا جزء
طيب فيه والتر لا والله؟
الاستيراد شغال؟لا كل حاجة موقوفة
طيب البلو 6 بيعمل كام ؟1100
طيب مفيش هكلر 9مم حايجى؟لا بس ممكن حضرتك تلاقيه استعمال
طيب ممكن شوية اسئلة عن الحى ؟هو طبعا ممنوع الا لو معاك تصريح
شكرا سلام عليكم
بعدين طلعت على منسى
ياترى فيه بضاعة جديدة جت؟لا والله الاستيراد واقف
عندك الوالتر 9مم؟كان زمان موجود ب 1000 جنيه وال 8 كان ب 850 ولو كان موجود دلوقت كان عدى!
طيب الكيمار 75 السى زد بيعمل كام؟2800
بس فيه ممكن حاجات تركى ارخص ده جكال اتفضل
بس اللمعة بتاعته مش عاطفية !! معلش على قد فلوسه لان الكيمار بتاعه 92 بيعمل3500
هى الاسعار هنا هى نفس الاسعار فى القاهرة ؟تقريبا
شكر شرفت
بعدين زيارة السجلابى فى محطة الرمل
ياترى فيه والتر 9مم لا والله بس فيه 8مم يعمل 2200 مش كتير!!اصله المانى
طيب الريتاى بكام؟ده يعمل 2000 جنيه طبعا سكت
طيب الكيمار 85 9مم ده يعمل 1850
طب فيه مسدسات غاز؟فيه واحد بس فاضل ممكن حضرتك تشوفه
طب الجاب ده بكام؟ب2000 جنيه
طيب مسدسات الخرز دى بكام؟تهمل 250 جنيه وتقيلة مش خفيفة يعنى
طيب حاخد لفة واجى تانى ان شاء الله
ده ما حدث بالفعل والناس كانت مرحبة ومبتسمة وانا اعلم ان ايام الثورة كان ممنوع اى حد يدخل المحل وانا بالتمس ليهم العذر لان كلنا شفنا ايه اللى كان ومازال بيحصل
انا شفت حاجة كويسة حبيت اقولها
طبعا الاسعار بتختلف تبعا للتجار يعنى منسى لانه وكيل الكيمار محدش يقدر يتكلم فى سعره انما الحاجات المرطرطة التركى هى اللى ممكن نتكلم فيها واظن ان فتح الله كان الارخص والانسب
وعلى فكرة فتح الله محطة مصر ارخص كمان من كده
ارجو انى اكون اضفت شيئ لشخصكم الكريم عن معاملة التجار وبعض الاسعار وليه بعض الموديلات رخيصة زى الريتاى وعلى فكرة ممكن يبقى ب700جديد كمان وبرضه سبب غلاء الاسعار بسبب وقف الاستيراد
__________________
ربنا لاتؤاخذنا ان نسينا أو اخطأنا
|