السلام عليكم
دى طريقة حاجة مقرمشة كلتها فى اوكرانيا وكنت هتجنن واعرف طريقتها
والنهاردة بس عرفت طريقتها وجربتها وابنى عشقها وبطل مقرمشات السوق اللى مليانة مواد حافظة والمقرمشات دى تحفة ومش هتكلفك كتير وجرب بس وادعيلى
مش هتصدقوا لو قولتلكم انى اكلتها كتير قبل كدة ومكونتش عارف هى اية اصلا ههههه
عموما
هنجيب بصلتين كبار ونقطعهم حلقات مدورة بحيث ماتتقطمش
وبعدين نجيب دقيق ذرة وشوية نشا ومعلقتين بطاطس مهروسة سخنة
وفيجيتار او بقصماط مطحون او مجروش
او كورن فليكس وتطحنه
ناخد الدقيق والنشا والبطاطس ونحط عليهم سنة ملح وشوية شطة لو عايزها بطعم الشطة
ونقلبهم فى طبق وبعدين نحط عليهم فنجان ماية دافية عشان نعمل عجينة
ناخد حلقات البصل ونغمرها فيها كلها
نطلعه على الفيجيتار المخلوط بالبقسماط ونغمره فيه
وعلى طول على طاسة الزيت المغلى
طلع بقى ودوق واوعدك اولادك هيبطلوا اى حاجة غيرها
هههههههههه اتمنى تعجبكم
