اقتباس:
المشاركة الأصلية كتبت بواسطة عادل عبده
بس يا محمد حافظ باشامش بك بس
انا هقولك رأى الشخصى ولعله يكون شافى لحضرتك
الموضوع ان الهاى باور خارج مصر بيصطاد بيه خنازير وارانب وتعالب بس طبعا يكون الضرب فى مقتل
واخونا العزيز الاستاذ هشام سمير قافل تعلب ببندقيه بام ربنا يوعدنى واجيب وحده( قول امين)
ديه اجابه اول سؤال
ندخل فى التانى
احنا بقى بنجرى وبنهرول ليه عشان نجيب هاى باور
اقولك برده انا جبت هاى باور ليه
لانى مش بصطاد فى مناطق قريبه ولانى مش صيااد تعلب زى الصيادين المحترفين والمقصود بتعلب انه بيقرب من اليمامه جدا فبيعرف يضربها بالبنادق البطيئه
انا بصطاد غالبا اقل مسافه 20 متر وده طبعا يعتبر مش بعيد بس برده مش قريب
والرمسيس صراحه كانت بتجيب معايا ساعات
بس ساعات كتير كنت بتريش لو مش متزيته والرش مصرى
تالت حاجه كلنا نطمع دائما فى الاقوى وجرى وراء القوه المفرطه وحب الاقتناء
عندك الدكتور حوكا كان مبهدل الدنيا بالرمسيس
انا برده جبت هاى باور واللى هى الكرال عشان نفسى اجيب بيها بط او ارانب لاكن الصراحه لسه مجربتش
انا اسف جدا طولت عليك اووووووى بس يارب اكون افدتك
|
عادل باشا يا رب تجيب البام و تصطاد الصيدة بالنية كمان و تعمل اوضة مخصوصة للبنادق و تقعد ساعة محتار تخرج تصطاد بايه !! قول امين ... انا فهمت وجهة نظرك طبعا بس مش عارف ليه بيتهيألي ان القوة المفرطة يعادلها عدم دقة في التصويب نتيجة رد الفعل العالي ... علي العموم شكلي برضه هجيب الكرال عشان المجموعة عندي تكتمل و شكراااا علي افادتك بالمعلومات القيمة دي ..