[محمد حافظ]

المشاركة الأصلية كتبت بواسطة هشام سمير

الاخ الغالى محمد حافظ جزاك الله خيراً
ولكن والله فعلاً الواحد ماهو عارف يعمل ايه اصل احيانً بيكون الانتقاد لك وجهً لوجه
يقول خلى بالك لتعورنا يا استاذ (كأنى بصطاد بأربجيه )
او ممكن يقولك اوع الحمام بتاع الناس
مجتمع عايز يقلد الاروبيون فى كل حاجه ويجهل ان الاغلبيه العظمى منهم يمتلكون اكثر من بندقيه ويجرجون اسبوعياً للصيد دون اى انتقاد من احد
كأن خلاص مفيش تفاه فى الكون الى بممارسه هواية النبلاء والملوك كأن التلفزيون ليل ونهار مش تفاهه والشات على النت بالساعات مش تفاهه
او القاعده علي القهاوي او الكافتريات بالساعات مش تفاهه
شوف احتياطات الامن يا استاذ البندقيه فى الجراب والجراب فى شنطه العربيه بروح من الصيد بدرى جداً تقريباً الساعه 9 صباحاً
بس ده برده ميمنعش ان فى ناس متحضره ومتفهمه وعارفه انى دى هوايه من اعظم وانبل الهوايات
بس انتا عارف كل الحماقه اللى فاتت دى بيغطى عليها تصفيق بعض الحاضرين من المتفمين بعد اصابه هدف من مسافه بعيده بجد بيكون له نشوه
عموماً انت شرفت الموضوع

اخى الحبيب هشام بك
اولا كل سنة و أنت بخير . افتكر انك كنت كتبت موضوع كيف تكون شخصا جذابا الموضوع ده عجبنى جدا و أحييك عليه . و أسمحلى أعقب على كلامك أن افضل الانتقادات هى التى توجه مباشرة . ليه لان الرد عليها بيكون فورى فمثلا ابسط رد ممكن يكون بابتسامه عميقه مع النظر فى عين الزبون فده بيحرقه جدا و بيحسسه بتفاهته و ضألته .
كلمه حاضر بتريح العاقل أو التانى . ثانيا فكر أنت نفسك أنت مجهز عدتك وواخد عربيتك و سايق مدة لمكان بعيد ليه . اكيد عشان تستمتع فلا تدع أى كائن يفسد عليك متعتك .ابسط شيء شوف بندقيتك ورحلتك دى مكلفاك كام و أللى بيكلمك ده كله بكام .
حاول لما تطلع تكون مع صحبه حميمه ده شيء بيضاعف المتعه .
و أفكرك بحدوته جحا و ابنه و الحمار القصه دى مغزاها ان من طلب رضا الناس تعب و لم يناله
وأخيرا
اصبر على كيد الحقود فأن حقده قاتله
فالنار تأكل بعضها أن لم تجد ما تأكله