طارق باشا قبل كل حاجة طبعاً شرف ليا اني اتعرف عليك زي ما هو شرف اني اتعرف على اي اخ فاضل هنا وانا بتكلم من منطق الافادة والله لا اكثر ولا اقل
اقتباس:
|
ال1000 او 1500 بتدفع مرة واحدة يعنى مفيش ربط بين الفلوس المدفوعة وبين ثمن الانبوبة المتكرر والدليل ان علبة الرش اللى هى 250 رشاية كانت 25 لما ارتفع سعرها واصبحت ب30 يعنى فارق 5 جنيها فقط الناس كلها تضايفت وقالت استغلال بما فى ذلك من يملكون ديانات ب 6 و 7 الاف والكل تضايق لتكرار دفع ال5 جنيهات فى كل مرة يتم فيها شراء علبة رش ... اذا حساب التكلفة مهم ولما بنيجى بنقول راى بنقول راى عام لكل الاعضاء بمعنى ممكن يجى واحد عنده المقدره ويقول انا بجيب كل يوم 20 انبوبة غاز بفضيها فده مش مقياس لان تقيم السلاح بيبقى من كل الجوانب وطبقا لاغلب الاشخاص
|
اكيد انا موافقك بس برضوا ما هو اصلا اللي هيتشري مسدس غاز هيبقى عارف تكاليفه اد ايه زي اللي هيشتري مسدس بلي هيعرف ان الطلقة او الاتنين بثمن انبوبة غاز .. فالموضوع حسب التكلفة والميزانية
اقتباس:
|
طبعا انت بتقول الحقيقة مش اصدى اكدبك بس مستغرب
|
فيه تجربه هتكون في اخر الرد هو موضوع كتبته بس هختصرهولك هنا تجربة.
اقتباس:
|
عظم خفيف مش بنفس قوة خشب الشجر
|
ياباشا ما هو الشجرة مش بتبقى متحجرة يعني وبعدين ده اللي حصل معايا ولولا ان الصورة مش هتتشاف كنت حطيتها لكن هحاول احطهالك واكبرها.
اقتباس:
مسدسات الرش استخدامها الاول الرماية
متفق معاك يبقى لما واحد يقول انا عايز مسدس رش عشان اصتطاد بيه ماينفع ننصحه ونقوله هاتو لانه لو حاجة على مسافة كبيرة مش هيعرف يجيبها واى الافضل ننصح العضو اللى معاه 1500 يجيب بيها مسدس رش ولا يجيب بيها بنقدية كرال ؟؟؟؟؟؟؟؟؟؟؟؟؟؟؟
|
اكيد رماية بس تنفع وحط تحت تنفع 10 خطوط يعني مش هتقول لا لو دافعت بيها عن نفسك وده من خلال تجربتي والاذى اللي ممكن تعمله وصوتها مش زي ما انت فاكره برضوا والمشكلة والله مهما حاولت اسجل الصوت مش هيطلع كويس لازم تسمعه قدامك بس انا فاكر مرة ضربناه عند الاخ شريف ابو ضيف ناس اتخضت في المحل من صوته, فخلاصة القول لو حد عايز صيد فطبعا بدون منازع بندقة ده لو عايزه للصيد.
اقتباس:
مسابقات الرماية مش بيكون برضوا فيه مسدسات
فيها طبعا مسدسات بس مختلفة عن مسدسات الرش وحتى بنادقها مختلفة عن بنادق الرش بمواصفات اخرى وبكرر ان العضو اللى بيسال عن مسدس الرش فى الغالب بيكون اصده صيد
|
انا اقصد انها تنفع للرماية لان فيه ناس قالت انها ضعيفة واللي قصده المفروض يوضح بدون ما نقوله وحشة يعني نعرف عايزها لايه ونوضحله وبس نفيده قدر المستطاع
اقتباس:
انه ينفع للصيد مش هنجيبه للصيد فرق كبير بين المعنيين
كلام دقيق وتمام مقدرش اقول حاجة عنه يعنى الاختلاف بينا مش كبير انا كل تركيزى اننا مننصحش حد يجيبى يصطاد بيه اللى يجيبو يعرف امكانياته كويس
|
ولا انا بنصح حد يجيبه للصيد بس هو مش هيقول لا لان رشاية بتطلع قوية مش ضعيفة بس مسافة مش كبيرة فالاستخدام الاول كترتيب من وجهة نظري رماية - دفاع عن النفس - صيد
اقتباس:
والله انا شايفه كدة وغيري شايفه افيد واحسن من البلي على الاقل هتضمن وصول الرشاية مسافة لا تقل عن 15 متر
متفق معاك بالنسبة للمسافة انما الواقع العملى مش محتاج المسافة دى لان البلى والدفاع بستخدم فى حالة تعدى سطو المسافة مش بتزيد عن 5 مت ويمكن كمان ممكن متر واحد اللى هيسرق او هيتعدى مش هيبعد 15 متر ويهدد يعنى المسافة الكبيرة غير مفيدة فى هذه الحالة
|
انا معاك بس انا برضوا بصراحة الحاجة اللي بنخترع فيها بدون تخصص مش مضمونة عكس ما تبقى جاية من بلدها لكدة واقصد من ده ان عندي مسدس رش احسن من بلي من حيث الدقة لان القوة ممكن ما تفيدش لو الطلقة او البلية جت بعيد.
اقتباس:
اما البلي فكل التجارب بتقول انه ايوة قوي وبيخرم خشب بس انت وحظك بئا مالت 10 سم او 15 سم او مارحتش خالص او حشرت فوقتها
كلام سليم عدى التعميم يعنى مش كل التجارب ولو الطبة تمام م هتنحرف 15 سم وسيبك من ده كله حاجةبسيطة اوى لو زى ماحضرتك بتقول مكنش الجاكال زاد 400 جنيه ومش موجود ومسدسات البلى كلها سعرها زاد لو اول 20 واحد اشتروا مسدسات البلى ولاقو ان فكرتها مش تمام تاكد ان رقم 21 مكنش اشترى
زيادة الاسعار للزيادة الرهيبة فى الطلب على مسدسات البلى
|
هو المشكلة مش دقيق للدرجة اللي تخليك واثق 100% انك هتصيب اي حد داخل يعتدي عليك فدي مشكلة رهيبة برضوا يعني وارد ووارد !!
انك ما تسيبش الانبوبة
طيب لو شيلت الانبوبة بعد ماستخدمتها شوية الغاز مش هيتسرب فيها ؟؟؟؟
الصح ما تتسابش وتتشال بس لو اتشالت بعد ما تتفتح او تتخرم خلاص مش هينفع تتشال الا ما تفضى واصلا ليه نركبها بدون استخدام.؟؟؟؟ دي تعليمات استخدام مش معضلة من وجهة نظري.
تقرير صغير
تجربة على لوح خشب :
الصورة دي مبدئيا واضحة لكن نيجي للثلاث رشايات اللي مضروبين:
اللي على اليمين ضربتها من 10 متر تقريبا جت في جنب زجاجة 1 ليتر سفن اب.
الثاني اللي بعدها تم ضربها من نفس المسافة جت في الحيط.
الثالثة اللي اسفل الخدش تم ضربها من مسافة 6 متر احدثت خدش بعمق 3 مم والغريب ان الرشاية ردتلي جت في صدري وحمدت ربنا انها ماجيتش في عيني.
دي صورة تانية انا جبت غطاء كرتون بتاعة فيجا ثبته فوق الخشب.
الضربتين تم ضربهم من مسافة 10 متر واحدثوا النتائج الموضحة.
فيه رشاية ضربتها علمت في الكرتون وعلمت في الخشب وردتلي انا لقيتها وانا ماشي وتقريبا ردت ل 8 متر ونص يعني تم ضربها من بعد 10 متر علمت في الكرتون والخشب وردت 8 متر.
دي صورة اخيرة للرش اللي لقيته بعد ماضربت اغلبه معالمه مش باينة خالص.
ومن وجهة نظري بعد التجربة دي انا شايف ان مسدسات الرش قوية جداً واللي خلا يعلم ويعمل خرم في الخشب لو جه في جسم شخص في حالة الدفاع عن النفس فاكيد هيخترقه ده غير انه ممتاز للرماية لكن الصيد لسة ماجربتوش تجربة حقيقية لكن خلاصة القول ان مداه المؤثر 15 متر لكن المهم تظبيط الضرب لان المسدس فعلا عايز دقة كبيرة في الضرب.
ملحوظة أخيرة: الصورة الموجودة بالمرفقات صورة شجرة ضربتها من 12 متر الرشاية دخلت كلها وللاسف وقتها كان الموبايل اللي معايا كاميرته تعبانة لكن الفتحة واضحة اللي حصلت في الشجرة.
والله المستعان وربنا يوفقنا جميعاً لما فيه الخير.
شكراً وتحيتي
اقتباس:
|
قبل كل شى انا سعيد بهذه المناقشة وسيادتك راجل محترم وذوق واختلاف مفيش فيه مشكلة لان وجهات النظر تتعدد وهكون سعيد لو راسلتينى على الخاص لمزيد من التعارف الشخصى لو حبيت
|
وانا اكيد اسعد وتشرفت بمعرفتك وربنا يبارك فيك ويكرمك وباذن الله لازم باذن الله اعمل تقرير موضح علشان خاطركم