[diamond]

السلام عليكم

بصوا يا جماعه انا مش شايف ان المشكله فى ان الصين عملت بيض سواء كان خطر على الانسان او غير ضار لان هما يعملوا اللى هما عايزين يعملوا لكن مثلا معتقدش انهم هيجبرو كل مصر وهو نازل من عندهم ان مش هيركب طيارة مصر للطيران الا لما ياخد معاه كرتونه من البيض الجديد علشان يعملهم دعايه ولا مثلا هيقولونا انهم هيتبرعونا بكام الف كرتونه بيض من الصنف الجديد !!!!!

بصوا كده حواليكو فى كل الدول وكمان عندنا هتلاقو ناس كتير بتخترع وتالف وتبتكر حاجات من الممكن انها تأذينا بس احنا بنسبها وبنتجنبها .

المشكله مش فى الصين المشكله فى المستوردين اللى طالعين نازلين على الصين وكل همهم انهم يجيبو المنتج الارخص سعر علشان ينافس منتج اخر فى السوق هو كمان من الصين يعنى مثلا سعتك عايز تجيب شنطه جلد يفرجك شنطه بتعمل 100 دولار تقريبا بس طبعا المستورد بتاعنا شاطر عايز يلف دورة راس المال بسرعه فيقولو لا انا عايزها ب 10 دولار وتكون نفس الشكل يقولو من عينيا وعلى فكره دا مبيكنش المستورد الاسوء لان فى واحد تانى ممكن يقولو بدولار بس وبردو هيعملوها بس الفارق طبعا كبير ما بين الشنطه ام 100 دولار وام 10 دولار هنا بتكلم على جلد طبيعى يعيش عمراا طويلااا وهنا اول ما الشنطه الرخيصه تشبك فى اول مسمار ارميها بقى وهاتلك واحده تانيه فى النهايه ساعد المستورد اللى من النوع ده فى هبــــــــــوط حاد فى ذوق المستهلك اللى ملاقاش حاجه تانيه افضل وكان مضطر انه يشترى دى وكمان ضرب صناعة بلده .
وبالنسبه للبيض هتلاقى المستوردين بعد طبعا ما الصينينن يحسنو ويتفادو الاخطاء الاولى فى صناعه هذا النوع ولما الصين تسمح بيه عندها هنا بقى يبتدو يشغلو دماغهم الكرتونه هنا بكام وهناك بكام ولو جبت مثلا عشر الاف كرتونه وبعتهم اقل من البيض المحلى هيتفرتكو فى قد ايه وهكون كسبت كام .

صدقونى المشكله مش فى الصين المشكله فى اللى بيطلع الصين ويختار الاسوء لاهل بلده فى مقابل نجاحه المادى وشوفوا الالكترونيات فى امريكا معظمها صينى الصنع لكن الاعلى جوده فى العالم.

المشكله فى نوعية الناس اللى بتسافر وتاذينا وتوصلنا اللى ممكن احنا نكون لسه معرفناش عن اذيته حاجه.

تحياتى لك ولكل الاعضاء المحترمين وعــــــــــذراااا على الازعاج .

شــــكرااا .