[محمد عز]

المشاركة الأصلية كتبت بواسطة oonyx

أستاذ جلال تحياتي ليك على البنادق الجميلة جدا دي وفعلا تشكيلة في منتهى الروعة
ثانيا الصيادين اللي بيسالو على ال bsa goldstar البندقية دي نظامها خزنة 10 طلقات بعد كل تعميرة بتشد الذراع لأسفل بعد الكسر في شدة تانية صغيرة لتحضير الرشة التالية...
أما بالنسبة للباتريوت فهيا مدفع بكل معاني الكلمة ومش حتصدقو إني مرة ضربت بيها فرخة على 70 متر وتسرقت وماتت بعدها بـحوالي 90 متر. وبرضه كنت بجربها وضربت بيها كلب على 70 متر مات في مكانه متحركش... وبصراحة ال bsa أحلى تجميع نيشان على الاطلاق ودقة متناهية و 24 شيشخان
بجد تشكيلة جميلة جدا يا أستاذ جلال ربنا يبارك للهياخد منهم

أشكرك على هذا التوضيح الهام بالنسبة للبندقية البي اس ايه جولد ستار
لأن فيه ناس كتير بتسحب الذراع على طول من غير الشدة الخفيفة التانية لسحب الرشة
وممكن البندقية ماتسحبش الرشة ويفتكروا ان الخزنة فيها مشكلة
حتى لو استخدمت الخزنة غلط واتثنت من الحاقن الحديد اللي بيزق الرشة جوة الماسورة
حلها بسيط وهوه انك بتفكها وتعدلها بالطرق عليها لأنها حديد وبعدين ترجع الخزنة تاني بعكس بندقية الجامو الملتي شوت العشر رشات اللي الخزنة بتاعتها بلاستيك كانت عندي بره وشحتها لواحد صاحبي وانا راجع مصر
والبندقية البس اس ايه دي لو انت سريع في استخدامها ممكن تخلص بيها على حيوان كبير لأنها ببساطة نص الية
ومش هتصدق اني عندي بندقيتين منها واحدة جبتها من برة والتانية اشتريتها من ميشيل عازر وكانت اخر واحدة عنده وما كانش عاوز يبيعها!