السلام عليكم :
سألت نفسي بدل ما انت تتجرع مرارة الذل و حرقة الدم انك تشتري بندقية هوائية بتتباع برة بسعر الفين جنيه بالتلسكوب و تيجي هنا تشتريها بستة الاف علي الاقل لوحدها من غير سكوب و تكون مركونة كمان هنا بقالها سنين .
لو فكرت لحظة واحدة
انت جايب البندقية دي ليه ؟
جايبها عشان اصطاد يمام مثلا . ارانب . بط ؟؟؟؟؟
طيب يا عزيزي شوف الستة الاف جنيه دي تشتريلك كم حمامة .
انت ممكن تعمل مشروع برج حمام كمان
شوف يجيبوللك كم ارنب
كم بطة ؟
و من غير شحططة ولا بهدلة و بتحافظ علي وقتك
يا جماعة الكلام ده مناسبته اني كرهت الهواية دي بسبب جشع تجار السلاح . و أدعوكم و أدعو نفسي لهجرها
.
المتعة اللي بتشوفها وانت بتصطاد لا تضاهي حرقة الدم و التاجر بيستغلك .
عندك في بلدك أسوأ بنادق اللي اتوقف تصنيعها من خمستاشر سنة ولسة بتتباعلك باغلي الاسعار علي انها جديدة لانج .
أنا رأيي نهجر الهواية دي و نتجه لمشروع الألف الأرنب
اللي موافقني يا ريت يقولي عشان نشارك بعض في أحلي مشروع دواجن .
و كل عام وانتم بخير .
معلش بفضفض لاخواتي يعني . مافيهاش حاجة