[Qoldus]

والله أنا ماعدتش فاهم إنتوا عايزين إيه يا شباب الظبط...مش قادر أفهمكم...لو حد غلى عليكم السعر تقولوا راجع سعرك...كده غالي قوي...ولو حد قنوع وبيبيع بسعر معقول ومناسب ليه من وجهة نظره...تقولوا خسارة تفرط فيه وإنت بتبيعه كده ببلاش...والمصيبة الكبرى والمحزن في الموضوع إن 90 أو 95% من المشاركين لا بيبيعوا ولا بيشتروا...وهما كده يا إما بيبخسوا حاجة إللي بيبيع...يا بيغلوا السعر على اللي بيشتري...وفي كلتا الحالتين البيعه بتقف...والمصلحة بتتعطل...يا جماعة أرجوكم وأتوسل إليكم سيبوا إللي بيبيع يبيع وإللي بيشتري يشتري...السوق عرض وطلب...ماحدش يتدخل يبخس السعر ولا يغلي السعر...خلوا الأمور ماشية طبيعي..عرض وطلب...إنتوا كده بتكهربوا الجو وتخلوا الأسعار غير حقيقية...إللي جاد في الشراء بيتصل بالبائع ويفاصله في السعر...وتأكدوا أن البائع لن يبيع إلا بالسعر المناسب له...وكذلك المشتري لن يشتري إلا بالسعر المناسب له...لكن مش علشان أنا مش هأشتري أقوم مبوظ العملية كلها...حرام والله إللي بنعمله في نفسنا ده...وبعدين نرجع نشتكي من إستغلال التجار وغلاء الأسعار الغير مبرر...أرجو ألا أكون قد أثقلت عليكم وتقبلوا مروري...وبالتوفيق إن شاء الله للبائع والمشتري...