السلام عليكم و رحمو الله و بركاته
صباااح الفل علي أحلي صيادين
انا دلوقتي ( 6 سبتمبر 2011 م 9:35 مساء )
في بني سويف
و واخد معايا القناصة المزة التركية الكرال ماجنوم
النهاردة الصبح
اصطدت يمامة كدا عالهادي
قبل ما أروح فحتة
و بعد الدبح
لقيت يمامة واقفة علي العمود صاحبي اصطادها
و بعدين روحنا المزرعة
اليمام هناك اتروش من كتر الصيد
و بقا عارف شكل البنادق
يمام ناصح ابن لزينة
المهم أبو نسب
مسك البندقية ضرب رشاية
و بسم الله ما شاء الله
نزلت يمامتين بنفس الرشة كنت هتجنن
كدا 4 لحد دلوقتي
انا عارف انه مش كتير
بس ان شاء الله بكرة الساعة 6 الصبح نازل
و ان شاء الله
أرجع بخمسين واحدة ياااا رب
و ان شاء الله هعدل الموضوع احط الصور
بس عايز كام رد تشجيع كدا علي طلعة بكرة
و السؤال بأة
هوة لو كذا واحد ضرب بنفس البندقية يأثر عليها
؟؟
يارب تفيدوني يا أحلي صيادين
و ناكل سوا بأة
تصبحو علي ألف خير
----------------------------------------------------------------------
صباح الفل
يا ألف نهار ابيض علي أحلي صيادين
دلوقتي احنا ثالث أيام عيد الأضحي المبارك
الساعة 3 الظهر
النهاردة طلعنا طلعة روووعة
ابتدت من 6 الصبح و لسة خلصانه
9 ساعات
عملنا فيهم 46 يمامة
و ربنا يزيد و يبارك
ما شاء الله لا قوة الا بالله
أبطال الطلعة :-
- باسم عمر ( الدكتور )
- أحمد سعيد ( الهندسة )
- محمد الحاج " أنا " ( القناص )
و الحمدلله
الحصيلة مرضية جدا
و ان شاء الله نحط الصور كمان شوية
بس علشان نستريح
سلاموو علييييكوووو