رد: الرائعة و الرشيقة نوركا ويست 5.5
السلام عليكم
انا هاقول رايى تانى فى الويست لاعجابى الشديد بها عن تجربه
انا خرجت اصطاد بيها مع واحد صاحبى هيه بتاعته وكانت ممتازه من ناحيه القوه وخفيفه ودقيقه ولو قارنتها بالمارفيك جولد ---------الويست تكسب لانها افضل فى التجميع والوزن والدبشك
انا كان عندى مارفيك بعتها لا الدبشك بتاعها فبه عيب انك لما ترفع البندقيه عشان تضرب تلقى الدبانه مرفوعه ومهما تحاول تنزلها مافيش فايده اما الويست ترفع البندقيه على كتفك تلقى نشانك مزبوط على طول
خشبه الويست من الامام نهايتها تخينه اما المارفيك رفيعه وبتكون عرضه للكسر ودى شوفتها كدا مره
نهايته البندقيه رائعه والتمن اللى عارضه الاستاد جلال ممتاز ودى عادته لان كل الاسعار فى المحلات اغلى حوالى 200 او 300 جنيه وده فى كل البنادق اللى الاستاد جلال عارضها لانى كنت متابع الاسعار فى المحلات
والله لولا انى عندى هانتر 1250 ومرتاح معاها اخيرا بعد تركيب السوسته الباتريت كنت اشتريت الويست فورا وبصراحه اللى هايشترى البندقيه دى ربنا يباركله فيه فى رائعه
|