رد: استفسار بخصوص المنظار
يا هشام
اولا شكلك مبتدئ ولسه شاريها جديد
ثانيا انا معايا رمسيس بردو نمره 1
ثالثا وده الاهم
البندقيه ديه ممكن تنزلك غراب وصقر زى ما ميميك بيقول
(طبعا الرمسيس مش البام)
بس اصلا اى حاجه بتعتمد ع المهاره
وكمان
الرمسيس بتصطاد يمام وحمام كمان
وفى اى منطقه فى جسمهم هاتقع
بس لو انت بتحافظ عليها صح
ولو عاوز تتاكد ابقى تعلالى اجربهالك واقولك تنفع تكمل بيها ولا لا
نرجع بقى للبنادق التانيه
البام 21 تقيله جدا بس قويه
والاحسن منها فى نظرى
الهانتر بس من 440 فما فوق
واصلا نظام البام رخم وهو نفس نظام ديانا بردو الرخم :d
احسن شئ بجد انك تتدرب ع اللى معاك لان اللى ما يجيبش يمام ع الاقل بالرمسيس مش هايعرف يجيب عصافير حتى باى بندقيه تانيه
واسال عضو هنا اسمه روك انا بعمل ايه بالرمسيس
واصلا كده كده مش هاتلاقى حد يشتريها لان الكل دلوقتى بيدور ع الاعلى معتقد ان القوه لوحدها كفايه
ولو على حكايه المنظار فاولا ممنوع ولازم ترخيص
ثانيا محتاج ظبط وقرف كتير كده
ثالثا وده الاهم................ مش بتع صيادين لانك لو اديتك بندقيه بمنظار لاى حد ميعرفش يعنى ايه بندقيه هايصطاد بيها
فصدقنى اتدرب بالرمسيس وحاول توقع بيها ولعلمك اول مره وقعت يمام كانت على بعد 25 متر تقريبا وكنت بقول استحاله البندقيه ديه توقع عصفوره حتى ع البعد ده
انما لما وقعت اديتنى ثقه فيها وبقيت بوقع يمام بالهبل
بس اهم شئ الذكاء والمناوره فى الصيد
ولو حابب تصطاد معايا اهلا وسهلا بيك ابقى ادينى رقم تليفونك وننزل سوا واوريك امكانيات رمسيس وازاى تصطاد بيها
ومعلش طولت عليك
|