[عاشق القنص]

المشاركة الأصلية كتبت بواسطة mimic

بص يا وحش انا هقولك واقع تجربتي ... انا استشرت استاذ جلال خليفة فنصحني ببندقية اسمها بام 21 وهيا صيني انما ايه تقليد لأقوى بندقية موجودة على الساحة وأفضلهم جميعا وهيا الديانا 52 .... البندقية بتعتي البام 21 بسم الله ما شاء الله قوية جدا جدا جدا ده بشهادة ناس انا معرفهاش جربو ضربو بيها .... انا كل اللي عملتو علشان أكون صادق معاك رحت لمحل تصليح في 100 شارع شبرا لواحد هناك صحبو اسمو شريف يدوبك ربطلي دراع السحب بتاع البندقية وخلاه زي الفل ... وكمان ركبلي تيلة اللي هيا (وردة المسمار) اللي ماسك كوع دراع السحب ده وزيتلي وشحملي البندقية ده كلو انا عملتو زيادة حرص مني مش أكتر .... بس والله البندقية عفية جدا جدا جدا وخامتها علية اوي لدرجة ان فيه ناس بتقول انها تقيلة شوية بس على العموم روح شوفها عند ميشيل عازر اللي في العتبة ....


آه بالنسبة لسعرها فهوا بي 1750 ... وده سعر ممتاز ليها بوقع بيها اي شيئ تتخيلو امبارح كنت بوريها لواحد صاحبي في الشغل .. ولفيت انا وهوا بيها شوية فلاقيت صقر او حداية حاجة منهم انا مش بعرف افرق بينهم بصراحة المهم ضربتو رشة في راسو وقع قافل وبعديها والله لاقيت غراب برضو ضربتو رشة قفل وقع محطش منطق هههههههههههه فهيا فعلا قوية قوية وممتازة وبعدين اي حاجة يا سيدي بالمحافظة عليها بتعيش ... ولو جبت دبابة ومحفظتش عليها من اول اسبوع هتخرب منك .... وبعدين البندقية بتاعتي بعد 3 سنين كده لما السوسته بتضعف بيتركبلها سوستت الديانا 52 يعني بترجع اقوى من الاول .... والديانا للعم سعرها 5500 او 6000 وان لاقيتها كمان اما المستعمل منها فبيعملو 4000 او 4200.... ولك حرية الإختيار

الله يبارك لك فيها ويرزقك
ويكرمك ان شاء الله
متشكر ليك جدا يااغلى صياد فى الدنيا كلها