[hossamedeen]

الحمله هتتكون من عدة فعاليات .......
اولا : تحديد فريق العمل من ذوي الخبرات والتخصصات المختلفه القادرين علي انجاز المهمه وده معناها ان احنا لازم يكون معانا كذا مهاره مختلفه محاميين واطباء ومهندسين وصيادله وتجاريين وشباب في الجامعه وصيادين واصحاب محلات اسلحه وتجار وخلافه ووضع لجان مختلفه زي لجنة التخطيط والاداره ولجنه الدعايه والتعريف ولجنة الاتصال واللجنه القانونيه ..
ثانيا: تحديد الاهداف ..........يعني احنا نقصد ايه بعملية تسهيل الحصول علي تراخيص الاسلحه بالضبط .......يعني عايزين ايه .....وده معناه مراجعة قانون الاسلحه والذخائر المصري وتحديد البنود الي عايزينها تتعدل وتحديد الفئات المؤهله من المواطنيين بدون اجحاف او استسهال لحمل السلاح وده دستوريا حق لكل مواطن سوي وفادر وراغب في حمل السلاح مش الي عنده 100 فدان او رصيد نص مليون جنيه في البنك بس...وايه الشروط النفسيه والجسمانيه والمعرفيه الي لازم توفرها في المواطن ...
ثالثا : لجنه الاعلام والاتصال و غرضها التخطيط والتنفيذ لحمله ضخمه علي مستوي القطر المصري كله من بحري للصعيد باهداف الحمله وبمميزات تيسير حصول المواطنين علي سلاح شرعي وقانوني ومحاربة الاسلحه غير الشرعيه وبمشكلة التراخيص للمواطنين الشرفاء وباداب حمل الاسلحه واستخدامها وبفوائد واداب الرمايه واصلها في الاسلام وبالحقوق الدستوريه و بمخاطر الاسلحه المهربه والمعدله ...طرق التوعيه....مطويات |..اعلانات علي النت ..فيس بوك ...برامج حواريه في التلفزيون ...الاتصال بالاحزاب السياسيه وعرض المشكله عليها ودعوتها لتبني حق المواطنين الدستوري في حمل الاسلحه الشرعيه في مقابل دعمها في الانتخابات لان الصيادين والرماه وهواة الاسلحه والراغبين في حمل الاسلحه للحمايه شر يحه معتبره من الشعب المصري ..
رابعا : لجنه لتأمين التمويل للحمله ودي لازم يشترك فيها بالاضافه للمتحمسين من الاعضاء تجار الاسلحه ومحلات السلاح عموما وكل من له مصلحه ماديه في تيسير تراخيص الاسلحه علي المواطنين ...وكل قادر ومتحمس للفكره..
خامسا : لجنه تنفيذيه من اجل تنفيذ البرامج المختلفه
طبعا واي تخصص هنحتاجه ممكن نخصص له وقت من مجهودنا ....المهم الحمله توصل لكل جزء في مصر ويكون لها صدي كبير والناس تعرف وتفهم المشكله وموضوع يوصل لمجلس الشعب ولوزارة الداخليه وللمحكمه الدستوريه لو لزم الامر