[w-m-a]

عيل خـسيس وجبان وشكله شارب بلاوي
فشل في دراسته طبعا لجل البنات والغناوي
لكن عشان ابوه معاه شوية بكاوي
قدملو في الداخلية يمكن ينول الاماني
وجابلو واسطة رهيبة لوءات وعمدا وبشاوي
وعملهم جمايل وكمان هدايا ورشاوي
لغاية ما الباشا خلص وطلع شمام وغاوي
شايف ولاد البلد دي زي الكلاب في الحواري
ينشن في عين الولاد بقلب بارد وخاوي
وكلابه واقفين معاه زي الغراب والحادوي
يقولوا شاطر يا باشا دي عينه جابت رغاوي
كأن اللي ضربه ده فرخة مش روح ودمه غالي
يافرحة امك بيك يا جزار العيون والكلاوي
هو انت مش بني آدم .... ولا يمكن مخاوي
عمري ما ح انسى شكلك مهما تمر الليالي
مسيرك في يوم تنكوي بدل ما كنت كاوي
يا ندل يا جبان يا واطي يا محمود يا صبحي يا شناوي