اقتباس:
المشاركة الأصلية كتبت بواسطة kefafy
الله ينور عليك حضرتك
وعاوز اقول لاخى العزيز صاحب الموضوع حاجة
هل الصح انى اعتصم فى التحرير ويبقا ابنى من الثوار رايح الميدان ابنى من الثوار جاى من الميدان
بسم الله ماشاء الله دكتور رايح المستشفى وجاى من المستشفى
انما بقا راح عند المحافظة وضرب على المحافظة طوب ولا بطح واحد قد والدة ولا ولع له فى عربية شرطة انا وانت وهو دافعين تمنها مقدما من الضرائب بتاعتنا
ولا تفرق ولا كانهم عملوا حاجة
اعتصم فى الميدان براحتك قول رايك بدون خوف
ولاكن بردو بدون القاء طوب وملوتوف على مبنى الوزارة الى هو فى منطقة تانية خاااالص بعيد عن الميدان ونستغرب فى الاخر انهم بيضربوا بالخرطوش
ربنا يحميكم كلم والله العظيم بكلمكم بالعشم وكانى بتكلم مع اخواتى بظبط
ربنا ينتقم من مبارك هو و مراته واولاده وذريته وشركائه يارب
وينتقم من كل بلطجى وكل شخص عاوز يفرض رئيه بالقوة ويبقوا عبره لمن يعتبر
ويحمى شباب مصر وجيش مصر وشرطة مصر من كل سوء
ويعيدها على خير وباقل خسائر يارب
وده راى وياريت نتقبل الاراء بديموقراطية وربنا يحفظكم لاهاليكم يارب جميعا اخوتى
|
مع احترامى لضرتك استاذ كفافى بس متهيقلى انته معرفتش الاحداث من اولها وبتتفرج على الاعلام اللى بتاع التلفزيوم احنا مضربناش طوب الا لما الامن ضرب المصابين المتضررين وانا شوفت منهم اللى كانوا مسكين شاب بعوكازين قالوا مش دى من 25 يناير طيب احنا هنكسرلك ايديك كمان علشان متعرفش تتحرك خالص وواحده ست منقبه كبيره فى السن مسكوها سحلوها وضربوها وضربوا ابنها المشلول علشان كانت بس واقفه فى صينيه ميدان التحرير بتطلب ان ابنها يتعالج وتاخد تعويض علشان اللى حصله لانها مش لاقيه يا جماعه متخدوش الكلام من الاعلام ولا اللى مع الثوره ولا اللى ضدها انزلوا بنفسكوا وشوفوا على الطبيعه لان الكلام اللى بيتقال ده هوه هوه نفس اللى كان بيتقال يوم 25 لحد ما الناس ابتدت تفوق وبعدين يا استاذ كفافى انته شايف نوع الغاز اللى بيضرب ايه ؟؟؟؟؟؟ انزل نزله وشم وشوف ايه اللى هيحصلك وبعدين انا اضربك بطوبه تضربنى انته ب اكتر من 10 قنابل فى نفس الوقت وغير الخرطوش اللى قطر البليه فيه 5 .... 5 يا محترم ده غير المطاطى اللى بينشنوه فى الخصيه او مفصل الرجل او الرقبه وغير الحى بقا وكنا بنعيب على اسرائيل انها بتضرب الفلسطينيين بالرصاص وهما بيردوا بالطوب تقبل تحياتى بس بجد انزلوا ولو ساعه اتاكدوا من الكلام