[Youssef]

المشاركة الأصلية كتبت بواسطة المستشار

اخى الباش مهندس الفاضل تايدا لكلام المحترم دائما جلال خليفه وانا كان لى الشرف فى انى امتلك احدى هاتين البندقيتين المذكورين وانا اشتريتها بتوجيهات من سيادته وعلى ايده كمان بتوجيهات العبقرى اسا مه فتحى احنا جبنا انا واسامه حتتين 54 اير كينج اصدار شهر 11 لسنه 2001 وهى بها الزناد t01 اى مجموعه الزناد الكامله من الحديد والزناد المطور t05 قامت بتصنيعه الشركه ابتداء من سنه 2002 او تقريبا من شهر 3 لسنه2002 وذلك لسببين فى اعتقادى اولا زياده المكسب ثانيا خدمات ما بعد البيع وتسويق قطع الغيار لان الزناد المطور به قطع من البلاستيك وان اجلا او عاجلا ستتأكل كما انه به عيب اخر هو استحاله ظبط الزناد من تخفيف او تربيط واقصد بكلامى الزيرو فايف والفرق بين الديانا 52 و54 فى وجهه نظرى المتواضعه ليس السرعه ولا القوه انما يتمحور فى محورين هما اولا ان الاير كينج يكاد ينعدم فيها رد الفعل تقريبا وفى صيادين كتير بيحبوا ضربه الدبشك فى الكتف وبيفضلوا 52 على الاير كينج فى هذا الصدد والاختلاف التانى اعتقد ان الاير كينج شكلها الجمالى اجمل من 52 بالذات الدبشك الليمتد وطبعا ده مش راى ده تعليم الاستاذين الكبار جلال بك والعبقرى اسامه فتحى انا كمان عندى بندقيه مش واخده حظها فى الاستهلاك ولا فى الدعايه هى bsa موديل rb2 نمره واحد حدث ولا حرج بالنسبه للشكل طبعا الانجليز مش مقصرين اكنك راكب عربيه رولز رويز السرعه ممكن تصل فى بعض انواع الرش الى 344 متر / ث والاهم من كل ده انها ادق نشان ممكن تشوفه فى البنادق فعلا صناعه محترمه وهى بنديقتى المفضله فى المسافات البعيده واتمنى انى اكون قد اضفت شئ عن تجربه لكل اخوانى اعضاء المنتدى وبكرر عميق شكرى لاخى جلال اللى كان له الفضل بعد المولى وكان سبب فى اقتنائى معظم مجموعتى من البنادق ولكل اخوانى ارق تحياتى واطيب امنياتى

شكراً لمشاركتك يا افندم وربنا يبارك لك فى الـ BSA الـ rb2 اللى لفيت عليها لما دوخت علشان اقتنى واحدة زيها لأنى كنت عاوز اقتنى BSA قويه بالإضافة للـ 52 اللى عندى لأن الـ BSA فى سبيلها للإنقراض وكمان سنتسن تلاته هيبقى كل سنه وكلنا طيبين بس انا شوفت الـ Super star بردة رائعه وواضح عليها العظمة الإنجليزية فى صناعة السلاح