رد: عنوان بندقيتك ايه
موضوع جميل ومهم فعلا
الموضوع من وجهة نظرى ينقسم الى قسمين
واحد معاه فلوس (لسة فى البداية --قديم فى الصيد)
والاخر امكانياته محدودة
نبدأ باللى امكانياته محدودة عشان الكلام فيها اقل
طبعا اللى امكانياته محدودة هتكون الافضلية كالاتى
اهم حاجة السرعة (عشان الفلوس اللى معاه قليلة فعايز يجيب اعلى حاجة بيها)
يأتى بعد ذلك المقاس ثم الشكل الجمالى
وطبعا الدولة المصنعة او الخامات المصنعة بتكون اخر حاجة عشان المبلغ قليل
واكيد مش هيكون فيه هواية الاقتناء لان لو معاه مبلغ كبير هيجيب حاجة افضل وساعتها كل الكلام اللى فات لاينطبق عليه
نيجى بقى للى الامكانيات متوفرة معاه
اولا: اللى لسة مبتدأ
اول حاجة برده السرعة لانه لسة فى البداية فعايز حاجة قوية فلا ينظر الا الى السرعة والقوة
وبعد ذلك المقاس
الدولة المصنعة والخامات يفضل انها تكون كويسة وليست بدرجة عالية
والشكل الجمالى يتفاوت من واحد لأخر
ثانيا: اللى بقاله فترة فى الصيد وعشق هذه الهواية الجميلة
اول حاجة هى الدقة(حضرتك نسيتها) ودى اظن انها اهم حاجة بالنسبة للصياد القديم لانه مبيحبش يرفع سلاحة على طير وميجيبوش
وبعد ذلك الخامات المصنعة والدولة المصنعة عشان تعيش معاه لانه مش يومين وانسى... لأ .. ده مكمل المشوار للاخر
وطبعا بالنسبة للسرعة والمقاس
الصياد القديم المفروض انه فاهم وعارف ان مش كل حاجة هية السرعة وعارف هوة هيصطاد ايه
فايه اللى ينفع وايه اللى ملوش لازمة وزيادة عن احتياجه
وطبعا فى ناس عندها هواية الاقتناء ودى تختلف من شخص لأخر
وفى النهاية
لو تكلمت عن بندقيتى اللى انا عايزها
الترتيب كالاتى
1- الدقة
2- الخامات المصنعة والدولة المصنعة
3- السرعة والمقاس
4- الشكل الجمالى
وطبعا لازم الواحد يأخذ بتجربة الاخرين
وشكرا يا سيادة المستشار على هذا الموضوع الرائع
__________________
الصيد رياضة الملوك
|