[hoka]

السلام عليكم
بص يا افندم
الفيديو انا اصدقه بالرغم من انى لاجئ فى الميدان
ههههههههههههههههههههه
وانا كذا مره احذر الناس من الباعه دول وفى كذا اعتصام بس فيه حاجه مهمه
الباعه دول موجودين فى الميدان طول الوقت سواء فيه مظاهره او اعتصام او حتى فاضى
ولما بنيجى نمشيهم يطلع ناس مننا يقولو حرام قطع العيش وهم اصلا لما بيمشو بيرجعو ببلطجيه
فعلشان كده ما تربطش الميدان بالباعه دول بس لان زى ما فيه باعه فيه ناس محترمه جدا وولاد ناس وفيه مره كنا هانطلب تدخل الشرطه للسيطره عليهم فمن الاخر لو الموقف ده مضايقك انزل وحاول تمشيهم بنفسك ومشى كل البياعين اللى ع الكورنيش وتحت الكبارى وشوف هاتقدر ولا لا
الامر متروك لان الشرطه والجيش عاوزين كده عاوزين كلام مبارك(انا او الفوضى)
سلحنى ونزلنى هامشيهم كلهم لكن حتى فى ميدان الجيزه فيه العن من كده ومتسلحين جاهزين هناك
بالنسبه للتحرش فمش اى حد يعاكس اى واحده يبقى خلاص نهايه الميدان
وانا بعينى شوفت بنات وشباب مدارس جايين يصيعو فى الميدان وسط المتظاهرين
وعلى قد ما بنقدر بنمشيهم والخيام كانت بتتفتش من رجاله وستات محترمين علشان الخيام النسائيه
بس ده لو عددنا كبير ونقدر نسيطر ع الموقف
بس
ياريت نعقل الامول وبلاش نشوه صوره الكل بسبب فرد او اتنين او حتى 100 وسط مليون
سلام عليكم