اقتباس:
المشاركة الأصلية كتبت بواسطة محمد حافظ
سيادة ألمستشار لم تترك لنا شيئا ليقال سيادتك لست بحر علم فى ألقانون فقط و أنما فى ألجاسوسية و كل ما تسأل عنه أيضا لقد ألقيت علينا درس كبير فى ألوطنية و ألبطولة أفتخر بصداقة و زمالة رجل مثقف خلوق مثلك و أحب أضيف أن هذا ألبطل صاحب ملحمة ألحفار ألذى كان يطلق عليه ألآسم ألحركى (ألحاج) خانه أبنه و باع تاريخ والده وحصل على جنسية أسرائيل بعد زواجه بواحدة منهم رحم ألله محمد نسيم و أكثر من أمثالك ألذين تفخر بهم مصر |
الله عليك يا أستاذ محمد حافظ على الردود الجميلة اللي بتخلي الأعضاء الكرام والزملاء يظهروا وطنيتهم وحبهم لمصر بلدهم زي سعادة المستشار محمد عبد الرزاق وعاوزين الناس كلها والصيادين والأعضاء يشاركوا في الموضوعات اللي بتحببهم في بلدهم مش الموضوعات اللي فيها تهكم على مصر وابنائها ورجالها
وعاوز أضيف ان البطل محمد نسيم نفذ عملية الحفار بنصف فريق المهمات الخاصة فقط وده كان نوع من الجنون ولكن رجال مصر الابطال من الصاعقة والضفاضع البشرية اللي هم 4 أفراد بس عملوا المستحيل وفجروا الحفار وهما على الطائرة اللي خرجت بهم من البلاد والبطل نسيم استقبل النصف الثاني من الفريق في المطار بأحد الدول الأفريقية وخلاهم يكملوا الرحلة بره البلاد كانهم جايين ترانزيت بس وبلغهم بنجاح العملية الحاج وساعتها وقف في بلكونة الفندق بتاعه اللي كان بيبص على الحفار اللي اسرائيل كانت عايزة تستخرج به النفط من خليج السويس وأما انفجر كلم الرئيس عبد الناصر وقاله
مبروك الحج
وده كان رمز نجاح عملية الحج حسب ما ذكرت ملفات المخابرات العامة المصرية
أما بالنسبة لإبنه هشام وحفيدته وامها الاسرائيلية فده مش مقياس ولا يقلل من تاريخ أبوه البطولي وياريت كل الناس يبقى عندها الوطنية دي
وشكرا لكاتب الموضوع الرئيسي عن أشهر رجل مخابرات في العالم اللي قدم الفرصة للاضافات القيمة دي