رد: التطوع فى الجيش
بسم الله الرحمن الرحيم
اولا من خلال خبرتى احب اقول لحضرتك ان التطوع فى القوات المسلحة يخضع لاختبارات صعبة جدا لما يشغله المتطوع فى القوات المسلحة من تخصصات مهمة والمتطوع فى القوات المسلحة هو العمود الفقرى لها لانه بيشغل وظائف هامة تعتمد فى غالبية الاحيان على العمل اليدوى والمهارة فمنهم الفنيين ومنهم المعلمين ليه بقى المجند بيخدم سنتين او تلاته وبيخرج للاحتياط فالاعتماد عليه قليل والضابط ما بيشتغلش بايده ومن ذلك جاءت اهمية المتطوع بالقوات المسلحة
ثانيا نظام المتطوع فى نظام الاعدادية بيقعد تحت التدريب 15 شهر بياخد 39.5 جنيه شهرى وبعد كده يقبض مرتب شهرى ولا يحق له الاستقالة الابعد 5سنوات من صرف الراتب يعنى 6.3 شهور من تاريخ دخوله القوات المسلحة ولو عايز يجدد يجدد 5 سنوات اخرى ولا يحق له الاستقالة الابعد مرور ال 5 سنوات
نظام التطوع بالدبلوم نفس ما سبق لكن بيترقى رقيب بعد 6 شهور ونفس ما سبق من الشروط فى الاستقالة والتجديد
مفيش تطوع بمؤهل غير دول يعنى لا ثانوية عامة ولا مؤهل فوق متوسط
ولكن يا اخى التطوع فى الجيش صعب لانك بتتربط يعنى بتربط نفسك بالجيش لا تعرف تروح ولا تيجى ولا تعرف تحسن مرتبك لانك باستمرار مشغول واحيانا تخدم فى مكان بعيد تبعد عن بيتك بالشهر واكتر ودى نصيحتى لكن لو انت مش فى دماغك سفر ولا غيره هو وظيفة ثابتة وكويسة بس واللهصعبة جدا ويعلم ربنا
|