[قناص مصرى]

السلام عليكم ورحمه الله وبركاته
اخوانى وحبايبى
كلنا عارفين ان كل الناس بتعانى من مشكله استيراد بنادق ومسدسات وادوات الصيد
انا دورت كتير لحد ما لقيت الحل
انا ليا واحد قريبى شغال فى الامن العام (لواء) كان بيعديلى كل حاجه بشتريها من الخارج بس الصراحه صعب عليا الناس اللى هنا وروحتيله من يومين وخليته يقرا كام موضوع من اللى هنا فى المنتدى
لحد ما حس ان فى ظلم علينا وقالى على حل

الحل اننا نعمل اعتصام قدام وزاره التجاره والصناعه نطالب فيها برفع الحظر عن البنادق والمسدسات والتليسكوبات والنظارات المعظمه وكل ما يتعلق بالصيد لانها هوايه مهمه جدا ومش معقول اننا بعد ما بقا فى ديمقراطيه فى البلد نفضل بنفس عقليه زمان
وهو قالى فى اول يوم للاعتصام بتاعتنا هيبعت جوابات لوزاره التجاره باسم الامن العام يطالب فيها برفع الحظر عن الحاجات دى وقالى اعملوا بس انتم الاعتصام ده ممكن يقعد من يوم ل3 ايام وكل المطالب دى هتتحل وعلى ضمانتى وقالى انه هيساعد كتير فى الموضوع وليه الطرق الخاصه بتاعته بس لازم احنا نتحرك ونعمل اعتصام ويكون العدد كبير ما يقلش عن 50 واحد

انا كدا عملت اللى عليا
مستنى اشوف التفاعل وراى الناس ولو الموضوع عليا انا
ألحمد لله بعرف اعدى كل الحاجات بتاعتى (كوسه)