رد: اصطدت ايه امبارح (ايه اخبار اخر طلعه)
اسف علي التاخير انا كنت يوم الخميس بالليل بصطادودي اخبار الميناء
منطقه الارشاد ( دي عند برج الارشاد بتاع السفن) روحت لقيت الصيادين بتوع البوري بالدود الاحمر ما شاء الله شغالين كويس بس العيب بقي اني جيت اعدهم لقيتهم اكتر من30. واحد وانا اكره الصيد بالصوره دي زحمه جدا
منطقه الزيوت عند رصيف الزيت دي لقيت فيها ناس بتصطاد قاروس (كلوخه) ودي للي مش عارف بتكون زكور القاروس المتوسطه الحجم بس لقيت اني ما هارعفش اقعد معاهم لانه بيصطادو بدلب صغير وانا معايا جمبري ابيض
منطقه دواير الحاويات ودي بقي معشوقتي فيها صارغوس كبير احجام توصل ل2كيلو بس الحمد انا و4صحابي كنا شغالين علي الاحجام المتوسطه الحمد لله جبنا شويه كويسين و كان عندنا امل ان الدنيس يشتغل بس ما حصلش
ودي كانت طلعه الخميس الماضي
والناهرده انا طالع باذن الله
|