[هشام سمير]

السلام عليكم ورحمة الله وبركاته

يا جماعه فى واحد مستلمنى على مصراوى(ربنا يهديله نفسه)
كل شويه ينزل اعلان بأسمى يكتب فيه خرطوش وحى وحجات غريبه كده ويحط رقم تيلفونى مش عارف هو مستفاد ايه من كده...........
لا واللى زاد وغطى لقيت الاستاذ عادل عبدو والبشمهندس محمد حافظ بيتصلوا بيا يبركولى على الاكونت الجديد فى الفيس بوك وبيعتبونى على الصور اللى انا حططها (الاخ حاطط صوره كلها اسلحه ناريه وحجات ممنوعه )
المهم سألتهم على الاكونت قالولى هشام سمير سمير
الاخ عامل الاكونت دا ومنتحل بيه شخصيتى
لا وايه كمان الاخ خد اعلانى هنا على المنتدى وكتب عليه يوجد اسلحه حيه وطلقات قصيره وطويله وكاتب عنوانى كمان وقال بس مش هتكلم فى اى تفاصيل فى التيلفون نظراً لخطورة الموقف
واللى يضحكم بقا ان عامل اضافات لئتلاف ضباط الشرطه والصفه الرسميه لوزارة الداخليه :mad:
انا خايف المره الجايه يحط صاروخ ولا دبابه ويحط تحتيها رقمى
ولا مش بعيد عليه يحط جثه ويقول شوف تجربة اخر سلاح
المهم يا جماعه انا بقولكم ان مليش على الفيس اكونت بأسم هشام سمير سمير
وادعو معايا بالله عليكم انا ربنا يصلح له نفسه
ملحوظه صغيره
انا لم اقصد اى احد من الاخوه الافاضل الكبار او مدرين مواقع مشابه لان عارف ان الشيطان ممكن يتدخل فى المواقف دى