رد: معا مرة أخري لمقاطعة فتح الله صفية زغلول الإسكندرية
انا كنت عملت موضوع بس لسة تقريبا متوافقش علية علشان التجربة كانت امبارح و النهاردة في فتح الله محطة مصر...الاستاذ محمد شعبان فتح الله كان عامل عرض الاسبوع الي فات التونا ب 450 و انا بعت لة رسالة و قلت لة حاجي لك انشاء الله الاربعاء اجي اشتري المسدس...و قالي تشرف اي وقت و الصراحة الاستاذ محمد شعبان راجل كلة ذوق و احترام..و قال لي ان اخوه و والده بيبقوا موجودين...المهم رحت امبارح و كان فية زحمة و اخو الاستاذ محمد كان بيتكلم في التليفون فقلت لة عايز اشوف التونا فجبهولي بس انا ماركزتش اوي علشان الدنيا كانت زحمة زيادة يجي 7 افراد في المحل طالبين حاجات المهم قال لي ب 500 فقلت لة الاستاذ محمد شعبان قال لي انة حيظبطني و كدة و فعلا اشتريتة ب 450 بس كان مطلعهولي في كيستة بس العلبة غير مناسبة لمسدس جديد تماما...و ماكنش فيها بتاعة الخرطوش بس لما قلت لة جبهالي..المهم انا روحت و نسيت اخد كشف الحساب..فاتصلت بالاستاذ محمد شعبان قال لي تشرف في اي وقت المحل محلك المهم و انا ببص في الضوء النيون العالي لقيت حتة اكنها متخربشة و عاملة كدة لون رصاصي غامق ف انا اتضايقت و بعت رسالة للاستاذ محمد شعبان الساعة 1 بليل و بكل ذوق رد عليا الفجر و قال لي تشرف المهم رحت الساعة عشرة و نصف لقيت اخو الاستاذ محمد شعبان فقلت لة عايز كشف الحساب و سألتة علي الحتة الفاتحة قال لي عادي..قلت لة طيب انا ممكن اخد واحد بداله يا ريت..و ملاحظة ان المسدس معداش علية 24 ساعة! المهم الوالد كان هناك اول ما قلت اني عايز اغيرة قعد يزعق و قال يا استاذ انا مش ببيع لك حاجة مستعملة ..قلت لة الاستاذ محمد شعبان قال لي تعالي غيرة عادي قالي لي ابقي غيرة من محمد و قال لي طيب ماشي عايز تغيرة استني ساعة قلت لة انا جاي من بعيد فقام مديني كارت و قال لي روح سعد زغلول خد واحد جديد..مع العلم ان معظم الكلام كان بزعيق و مع العلم انة من حقي اني اطلب تغيرة طالما انا دافع فلوس و البضاعة جايبها مافتش عليها 24 ساعة..المهم انا اتضايقت جدا و رحت سعد زغلول و اخدت مسدس المهم الراجل الي هنالك طلعهولي في كستة الصغيرة بردو و بما ان اول تجربة مع محل اسلحة انا معرفش ازاي المسدس مبيبقاش في علبة مبرشمة ..المهم قال للراجل هات علبة و جاب لي علبة كويسة فيها كتيب الاستخدام و بتاعت الخرطوش..المهم انا الصراحة روحت متضايق جدا..و انا ما بحبش اني لما اطلب حقي يتزعق في وشي كدة و الصراحة الاستاذ محمد شعبان فتح الله راجل ذوق و كلة احترام و انا مستعد اني اتعامل مع فتح الله محطة مصر فقط في وجود الاستاذ محمد شعبان ...و بما ان دي اول تجربة و كنت حبقي زبون متكرر بس الظاهر اني حرجع في كلامي لان انا محبتش ردة الفعل من الاستاذ والد الاستاذ محمد شعبان فتح الله ...و بدون مبالغة و انا لا احاول اني افسد سمعة محل لكن ليس من الجيد معاملة زبائن بهذه الطريقة الجافة لان هذا يضر سمعة المحل و يضر المكسب بس بحق الله الاستاذ محمد شعبان فتح الله لما اتصلت بية بجد راجل محترم و كلة ذوق و تقبلوا مروري و مشاركتي
|