[Compact]

المشاركة الأصلية كتبت بواسطة salahkamal

السلام عليكم
بصراحة شديدة ومعرفش إن كان حد يؤيد فكرتي أم لا.. الظروف اللي عايشينها اليومين دول والأوضاع الأمنية أجبرت ناس كتير تشيل سلاح أو أي أداة للدفاع عن النفس في البيوت أو العربيات بداية من إيد هون أو عصاية مقشة نهاية بسلاح حي.. وبصراحة أكتر السادة الأفاضل رجال الأمن يركزوا على المنحرفين وعتاة الإجرام أكتر مايفتشوا الناس المحترمة (شكلهم باين) ويتلككوا لهم ويعملو فيها وحوش عليهم عشان مسدس صوت أو حتى بلي أو غيره.. والله أكتر من 90% من الناس منفسهاش تشيل حتى قصافة بس الظروف اضطرتنا لكدة.. وبصراحة يافرحتي بالقانون لما الواحد يتعرض لموقف محدش يتمناه على طريق سفر أو حتى الدائري ساعتها فينك يا قانون وفينكوا يا أسود الأمن هتلاقي الرد في التليفون لما تكلم النجدة لو حد رد عليك بعد عاشر اتصال يا إما خلي الثورة تنفعكو يا إما اتصرف (الردود دي لو كان محترم شوية) ومحدش ينكر إن الأمر ده واقع وحصل لناس كتير إن لم يكن حد مننا اتعرض له. وماليش خبرة بالقانون ومحبش أفتي.. بس سمعت من أهل القانون إن الواحد ممكن يتحبس في مسدس بلاستك بعشرة جنيه لو استخدمه في ترويع أو إثارة هلع أو سرقة بإكراه أو اغتصاب إلخ... ومن الممكن ((وكلمة ممكن ترجع لشكل سيادتك- وظيفتك- عربيتك- أخلاق الضابط ومزاجه- وبرضه إلخ...)) لو تم ضبط طبنجة صوت أو بلي يسيبك ومعاك اسرتك وشكلك مسالم وانت على طريق سفر مثلا.. وبالذات لو صحيفتك الجنائية تمام والله أعلم.

اؤيدك تماما فيما تقوله