[kefafy]

يا باش مهندس تسلم ايدك
حضرتك موسوعه ربنا يحفظ حضرتك من كل رضى
وبالنسبة للمسدس فعلا مسدس محترم
احلى واجمد مسدس رش شيلته بصراحة
و مقارنه بالبى 99 الالمانى ومسدس جامو قديم كان معايا بردو هو اقوى مسدس رش موجود
بس فى شويه نقط مكتوبه فى الكتالوج (المسدس بيجى علبه بلاستيك محترمه احسن من الى بتيجى مع مسدسات الصون مليون مره + معا 3 كتالوجات مختلفين + 2 خزنه + مفك الن كيه عشان النشان )
احب بردو اضيف اضافه صغيرة للتوضيح وماخوذه من الكتالوج الخاص بالمسدس :
1- مكتوب كتحذير فى الكتالوج انه بيشتغل رش فقط والنصيحة كالتالى
Use only .177 (4.5mm) caliber [diabolo] pellets in your Model CP88
وانا لم اجربه من قبل لضرب البلى علما بان الخزنة بتاعتة فيها حز ممكن يمسك فيه البلى وزى مقال الباش مهندس هيا هيا نفس خزنة البى 99 ولكن مش عارف ليه هما كاتبين التحذير ده
اه طبعا الرش افضل من البلى سواء فى المدى او الاختراق سواء فى الصيد او الدفاع عن النفس ولكن الى مكتوب فى الكتالوج رش (Pellets) لان البلى بيستخدم فى المسدسات الاخرى فقط للتدريب على الرمايه
2- تحذير اخر بردو (ان الموديل ده خطر حتى 366 متر ) وده اعتقد اقصى مرمى مؤثر له
3- يتم اغلاق الامان اثناء تركيب انبوبه الغاز
4- يتم التعامل مع هذا السلاح بنفس الحذر فى التعامل مع الاسلحة الناريه
5- لا يتم الضرب بدون رش (هواء فقط) لان ابخرة الغاز المستخدم ضار على البشرة
6- مراجعة الامان من وقت الى اخر اثناء التعمير والتاكد من عمله
عيوب المسدس بقا :
1- غالى نسبيا
2- النشان الموجود غير دقيق نسبيا لان سن نمله الدبانه تخينة وفتحه الشيز بردو عريضه

حضرتك بتتعب معانا كتير يا باش مهندس وده يخلينى اشكر حضرتك من كل قلبى وجزاك الله عنا خيرا
وتم التقييم يفندم