رد: حتي تصدقوا كم نستغل و نسحل من نفوس جشعة
ياعمر انا عديت من سنة على محل فتح الله الى عند نقابة الصحفيين وشفت الناس هناك واخدة على فقاها وبتتعامل على الباب معاملة الشحاتين وزى متكون متكيفة بيطلبوا حاجات ويستنوها واقفين وياخدوها ويمشو بعد ما يدفعوا من غير ولا كلمة ناهيك عن البضاعة المعيوبة الى مبيرضوش يرجعوها والست السخيفة الى طفشتنى من المحل بردودها السمجة لما كلمتها فى التليفون يا صديق بالصدفة اتلقيت محلين اسلحة فاتحين عندنا فمدينة نصر واحد امام فرع البنك التجارى الدولى فى الشارع المتفرع من حسين هيكل-نسيت اسمة.. ودة فى شباب لطاف لقيت عندهم الكرال بس غالية حبتين وكام مسدس تركى والمحل الى فتح جديد أبو ضيف فى شارغ عبد العظيم الغلمى المتفرع من عباس العقاد ودة مفهوش بضاعة كتير لقيت عندهم التركى برضو والبرونى 9000 بيتباع هناك ب 1600 واللطيف انى لقيت جرابات جلد طبيعى بأسعار ممتازة الجراب بستين جنية ودة أقل من سعرة فى الخليج..وكان الوقت متأخر وكنت مشغول ملحقتش أسأل على الكام حتة الديانا الى هناك دا غير ان الست الى قابلتنى كانت على قدها وقالتلى فلان زمانة جاى يرد على استفساراتك وقلتلها فرصة تانية اكيد.. وطبعا انا منساش الأهلية الى امام سنترال الأوبرا .. بجد ناس ودودين وبيحترموا الزبون مصدر رزقهم والسحب عندهم كتير وهما وكلاء الكيمار اسعارة عندهم مميزة جدا وعندهم قسم صيانة والطلقات الالمانى موجودة هناك..ومن حوالى سنة شفت عندهم الديانا الإير كينج..تحياتى
|