طلعة مذبحة اليمام – الفيوم السبت 17/12/2011
كان معايا المهندس وئام (شادو) وصلنا الساعة 4 ص وفضلنا طول اليوم لحد الساعة 6 م.. قابلنا الأستاذ محمد (شيرنوبل) وكانت ثاني مرة أشوفه فيها والصراحة كان هوا وعائلته وأصحابه ناس في منتهى الأخلاق والكرم والترحيب وحسن الضيافة بمعنى الكلمة....
معلش حصدعكوا شوية أصل كان اليوم طويل ومع ذلك محسناش بيه 
طبعا كان معايا الكرال ماجنم 5.5
محمد معاه النوريكا 4.5 والكرال رماية 5.5
وئام معاه المدفع ديانا 52 5.5
(إلي بيفكر يجيب الديانا للحمام واليمام غلطاااااان.. اليمام بينزل ملوش معالم.. عايز خبير دي إن إيه يقول كان أصله إيه)
الحصيلة أكتر من 50 فرد يمام بعد موزعنا شوية و 2 فرد حمام و 4 غربان (واحد بالكرال وواحد بالنوريكا و 2 بالديانا)
• ملحوظة الحمام هناك وزنه أكثر من كيلو.. شكله غريب
• الصيد هناك طول اليوم.. يعني مش ساعتين الصبح وساعتين العصر وخلاص
• كان معانا واحد من هناك إسمه "طه" جاب لوحده أكثر من الحصيلة إلي جبناها مجتمعين ببندقية كرال رماية مركبلها 2 سوسته تل مجري مع بعض.. لدرجة إن كسرها صعب جداااا بس إصابتها قوية جداااااااا 
• بصراحة أجمل رحلة صيد طلعتها في حياتي وأجمل صحبة وغدوة سمك وشاي صعيدي ومص قصب.
دا فيديو عن صيد الغربان
__________________
م.أحمد مصطفى
{رَبّ إِنِّي لِمَا أَنْزَلْت إِلَيَّ مِنْ خَيْر فَقِير}
|